Өстәмә чорда БДИны 3,5 мең Татарстан укучысы тапшырачак

Укучылар өчен 402 имтихан үткәрү пункты оештырыла.

(Казан шәһәре KZN.RU, 4-нче август). Татарстанда кичә БДИ тапшыруның өстәмә чоры башланды. Имтиханнарны 3,5 меңнән артык кеше тапшырачак, алар өчен 402 имтихан пункты әзерләнгән, аларның эше санитар-эпидемиологик таләпләрне исәпкә алып оештырылачак. Августта БДИ оештыру өчен якынча 11 мең белгеч җәлеп ителәчәк.

Августта имтихан бирүче 2,5 мең укучы баштан ук, июль аенда, андый мөмкинлеккә ия булмаган. Шулай ук өстәмә чорга якын чит илләрдә яшәүче 611 кеше теркәлгән, аларның имтиханнары төп чордан Россия белән чикләрне ябу сәбәпле күчерелгән.

Моннан тыш, төп чорда имтиханны авыру яки башка җитди сәбәп аркасында бирмәгән яки имтихан эшен тәмамларга өгермәгән катнашучылар, шулай ук БДИның төп чоры вакытында COVID-19 йоктыручылар белән элемтәдә булу аркасында имтиханнардан читләштерелгән укучылар да БДИны августта тапшыра алачак.

Июльдә БДИ тапшырган укучылар, шулай ук хокук бозу өчен төп чорда имтиханнардан чыгарылган укучылар августта БДИ бирә алмаячак.

Өстәмә чорда рус теле (1247 кеше), профильле математика (1002 кеше), җәмгыять белеме (646 кеше) һәм биология (517 кеше) иң популяр предметлар булып тора.

Имтиханнар 8-нче августка кадәр дәвам итәчәк, нәтиҗәләрне укучылар 16-17-нче августтан да соңга калмыйча алачак, дип хәбәр итә ТР Мәгариф һәм фән министрлыгы матбугат хезмәте.

Шулай ук укыгыз

Барлык яңалыклар