В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
16.02.2023, 15:37
Казанның Идел буе районы йортларында җылылык белән тәэмин итү һәм кайнар су бирү торгызылды
Ремонт эшләрен планлаштырылганнан иртәрәк төгәлләделәр.
Фото: Денис Гордийко
(Казан шәһәре KZN.RU, 16 нчы февраль). Казанның Идел буе районы йортларында җылылык белән тәэмин итү һәм кайнар су бирү торгызылды. Шәһәр Башкарма комитетының ТКХ комитетында хәбәр итүләренчә, ремонт эшләре планлаштырылган вакыттан иртәрәк тәмамланган.
Моңа кадәр 1995 елгы 1,4 метр тирәнлектәге квартал үткәргеч торба участогында җитешсезлек ачыкланган. Җылылык йөртүче читкә агып ятмасын өчен, аның циркуляциясе сүндерелгән. Шуннан соң 5 метр озынлыктагы үткәргеч торба участогын алыштырдылар. Ремонт эшләренә 6 берәмлек техника җәлеп ителгән.
Исегезгә төшерәбез, ремонт эшләре аркасында 37 йортта, бер балалар бакчасында, ике мәктәптә һәм бер дәвалау учреждениесендә җылылык һәм кайнар су белән тәэмин итү туктатылды. Эшләр башкарылганда җылылык белән тәэмин итү системаларындагы су агызылмады, басым астында тотылды. Җылы һава торышы һәм сүндерүнең кыска вакытлы булуын исәпкә алып, биналарда температура сизелерлек кимемәде.
Шулай ук укыгыз
-
28.07.2025, 17:30 -
28.07.2025, 16:40 -
28.07.2025, 16:04 -
28.07.2025, 15:10