Казанның Яңа Савин районы йортларында тәүлек буена диярлек су булмаячак

Бу А.Бичурин урамында төзелә торган йортны суүткәргечкә тоташтыру белән бәйле.

Фото: Марат Мугинов

(Казан шәһәре KZN.RU, 19-нчы апрель). 22-нче апрель көнне Казанның Яңа Савин районы кайбер йортларында бер тәүлеккә диярлек су белән тәэмин итүне сүндерәчәкләр. Бу А.Бичурин урамындагы 13-нче йортны суүткәргечкә тоташтыру белән бәйле.

22-нче апрель 9.00 сәгатьтән 23-нче апрель 6.00 сәгатькә кадәр Четаев урамы, 32, 34, 34а, 36, 38, 40, 44а, 46, 46а, 48, Чистай урамы, 27, 27а, 29, 31, 35, 37, 39, 43, 43/1, 43/2, 43б, 45 адреслары буенча су булмаячак.

Җирле халык гаризалары буенча су белән автоцистерналар алып килү оештырылачак, дип хәбәр итә «Водоканал» муниципаль унитар предприятиесе. Диспетчерлык хезмәтенә түбәндәге телефон буенча мөрәҗәгать итәргә мөмкин: +7(843)231-62-60.

Шулай ук укыгыз

Барлык яңалыклар