Red Bull Air Race узган көннәрдә Казанда транспорт хәрәкәте чикләнә

Моннан кала, кече суднолар өчен Казансу елгасының бер өлеше ябыла.

(Казан шәһәре KZN.RU, 24-нче август). 25 һәм 26 августта казанлылар атаклы пилотларның – Red Bull Air Race авиаярышлары буенча дөнья чемпионаты этабында катнашучыларның чыгышларын күзәтә алачаклар. Ярышлар Казансу елгасы акваториясе өстендә, “Миллениум” күпере белән Кремль дамбасы арасында, узачак, шуңа күрә бу тирәдә автомобильләр һәм кече суднолар хәрәкәте өчен чикләүләр кертелә.

24 августа 00.00 сәгатьтән 26 август 23.55 сәгатькә кадәр транспорт хәрәкәте чикләнә:

Сибгать Хәким урамының ике ягы, Декабристлар урамы белән киселештән Әпсәләмов урамына кадәр (“Спорт һәм социаль проектлар дирекциясе” АКБО махсус пропусклары булган транспорт чараларыннан кала);

Бондаренко урамының ике ягы, С.Хәким урамының 3 номерлы торак йортыннан С.Хәким урамына тоташкан урынга кадәр;

25 август 19.00 сәгатьтән 26 август 18.00 сәгатькә кадәр транспорт хәрәкәте чикләнә:

Декабристлар урамында, Кремль күперенә Батурин урамыннан уң як төшү юлыннан С.Хәким урамы юнәлешендә;

Фатих Әмирхан проспектында, юлүткәргечнең җир асты өлешенә уң як төшү юлыннан (Чистай урамының 62-нче йортына каршы) “Миллениум” күперенең Подлужная урамы юнәлешендә уң як төшү юлына кадәр.

Тиешле карарга Казан Башкарма комитетында кул куелды.

ТР Министрлар кабинеты карары буенча, Казансу елгасының Киров дамбасыннан Чуйков һәм Гаврилов урамнары киселешенә кадәр кече суднолар, җилкәнле, спорт суднолары, шул исәптән гидроцикллар, байдаркалар, ишкәкле көймәләр хәрәкәте тыела:

24 августта 9.00 сәгатьтән 20.00 сәгатькә кадәр;

25 августта 10.00 сәгатьтән 190.00 сәгатькә кадәр;

26 августта 10.00 сәгатьтән 18.30 сәгатькә кадәр.

Шул ук вакытта, авиаярышларга әзерлек һәм аларны уздыруда катнаша торган суднолар өчен чикләүләр юк.

Казан Red Bull Air Race ярышларының сигез этабының бишенчесен кабул итә. Ярышларда Master класслы 14 пилот һәм Challenger класслы 6 пилот катнаша. Ярышларны күзәтү өчен төп мәйданчык булып “Казан” Гаилә үзәге булып санала.

Шулай ук укыгыз

Барлык яңалыклар