«Юность» мәдәният сараенда «Үзем турында нәрсә хәтерлим» спектаклен күрсәтәчәкләр

Татар классикасы спектакльдә заманча яңгыраш ала.

(Казан шәһәре KZN.RU, 16-нчы апрель). 27-нче апрельдә «Юность» мәдәният сараенда (Химиклар ур., 11) «Үзем турында нәрсә хәтерлим» инклюзив спектакленең премьерасы була. Спектакльдә профессиональ булмаган актерлар, шул исәптән сәламәтлекләре ягыннан мөмкинлекләре чикләнгән кешеләр катнаша. Куелыш авторлары – «Э-моция» иҗади инклюзив студиясе.

«Үзем турында нәрсә хәтерлим» – бу спектакль-уйлану. Тамашачылар яшь һәм уңышлы кеше тарихын күрә алачак, аңа балачак образлары булган вакыйгалар еш төшенә керә. Спектакльдә татар музыкасы, шигырьләре һәм җырлары яңгырый. Татар классикасы спектакльдә заманча яңгыраш ала.

Шуны да билгеләп үтәргә кирәк, «Э-моция» иҗади инклюзив студиясе – Халыкара инклюзив практикалар фестивале-2018дә «Иң яхшы иҗади инклюзив коллектив» номинациясе һәм «Казанның кече театрлары» телевизион конкурсы җиңүчесе.

Спектакль 14.00 сәгатьтә башлана, керү ирекле, дип хәбәр итә оештыручылар.

Шулай ук укыгыз

Барлык яңалыклар