Җиңү көнендә казанлылар фронтовикларга хатлар язачак

Җиңү көнендә казанлылар фронтовикларга хатлар язачак

<p> (Казан шәһәре KZN.RU, 3-нче май). 9 май көнне Казанда Татарстан дәүләтчелеге тарихы музеенда “Бабама хат” (“Письмо деду”) акциясе үтәчәк. Акциядә катнашу өчен Җиңү көнне музейга килеп, фронтовикларга хат язарга – аларны Җиңү көне белән котларга, рәхмәт белдерергә, сораулар бирергә, Бөек Ватан сугышында катнашкан туганнарыгыз турында сөйләргә кирәк.<br> </p> <p> Иң үтемле һәм кызыклы хатлар “Казан Кремле” Музей-тыюлыгының һәм Татарстан дәүләтчелеге тарихы музееның социаль челтәрләрдәге рәсми битләрендә бастырылачак. Акциядә катнашучыларга бүләкләр каралган. </p> <p> Хатларны 10.00 сәгатьтән 17.00 сәгатькә кадәр язып була, дип хәбәр итә “Казан Кремле” Музей-тыюлыгы матбугат хезмәте. </p>

2018-05-03T09:34:39+0300