Яңа эшмәкәр көнендә казанлыларга бизнесны ничек куркынычсыз башлап җибәрергә кирәклеге турында сөйләячәкләр

Катнашучылар башлангыч капиталсыз үз эшләрен ачу серләрен беләчәк һәм экспертлар белән киңәшләшә алачак

Фото: Марат Мөгыйнов

(Казан шәһәре KZN.RU, 21 нче сентябрь). 29 нчы сентябрьдә, Яңа эшмәкәр көнендә, казанлыларга бизнесны ничек куркынычсыз башлап җибәрергә икәнлеге турында сөйләячәкләр. Тәҗрибә белән федераль спикерлар, региональ бизнес һәм эшмәкәрлеккә ярдәм итү институтлары вәкилләре уртаклашачак.

Очрашуда экспертлар Россиядә эшмәкәрлек һәм франчайзинг һәм бизнесны старт капиталсыз ничек ачу турында сөйләячәкләр. Кунаклар наймнан китү тарихлары белән уртаклашачаклар һәм үз эшләрен башлап җибәрүдә беренче адым буенча мастер-класс үткәрәчәкләр.

Спикерлар арасында эшмәкәрләр Сергей Черкасов, Константин Урванцев һәм Александр Кравцов булачак, дип хәбәр итә Татарстан Икътисад министрлыгының матбугат хезмәте.

Катнашучыларны шулай ук франчайзингның юридик аспектлары турында вебинар, экспертлар белән консультацияләр һәм тәҗрибәле остазлар белән бизнесны башлап җибәрүнең беренче этабының юл картасы өстендә эшләү мөмкинлеге көтә.

Яңа эшмәкәр көне Красное Село урамы, 51 адресы буенча 10:00 сәгатьтә башлана. Катнашу өчен сылтама буенча теркәлү узарга кирәк.

Шулай ук укыгыз

Барлык яңалыклар