Шәһәр һәм Республика көнендә җәмәгать транспорты 23:30 га кадәр эшләячәк

Казанлыларның бәйрәм салютыннан соң 21 маршрут буенча 44 автобус илтәчәкләр

Иртәгә, 30 августта, ТР башкаласы үзенең 1020 еллыгын билгеләп үтә. Шәһәр һәм Республика Көнендә Казанда җәмәгать транспорты эшен 23:30 га кадәр озайтачаклар, ә бәйрәм салютыннан соң шәһәр халкын 21 маршрутта махсус 44 автобус өйләренә илтеп җиткерәчәк.

Бәйрәм чаралары тәмамланганнан соң, халыкны уңайлы кайтаруны тәэмин итү өчен 12:00 сәгатьтән 23:30 сәгатькә кадәр 1, 6, 10, 10а, 15, 18, 22, 28, 28а, 32, 29, 30, 31, 33, 35, 35а, 36, 43, 46, 47, 54, 55, 60, 62, 63, 70, 71, 72, 74, 75, 89, 90, 91, 5 номерлы автобуслар, 1, 3, 6, 7, 8, 5 троллейбус маршрутлары һәм 1, 3, 5, 5а, 7 номерлы трамвайларның эше көчәйтеләчәк.

Бәйрәм салютыннан соң тамашачыларны шәһәрнең барлык районнарына илтеп җиткерү өчен махсус рейслар оештырылачак. 21 маршрутта 44 автобус пассажирларны көтәчәк:

ЦУМ һәм Спорт сарае арасындагы юл янында: Киров һәм Мәскәү районнарына бару.

Кремль яр буенда («Цирк» утравы): Вахитов, Идел буе һәм Совет районнарына озату.

Яшьләр үзәгендә: Вахитов, Идел буе һәм Совет районнарына китү.

«Казан» Гаилә үзәгендә: Авиатөзелеш, Яңа Савин, Киров, Мәскәү һәм Совет районнарына озату.

Үзәк стадион янында ( Кремль янында): Авиатөзелеш, Яңа Савин, Киров, Мәскәү районнарына юл тоталар.

Үзәк стадион янында (Ташаяк урамы ягыннан): Идел буе районына һәм Совет районнарына китү.

Исегезгә төшерәбез, ТР башкаласында Шәһәр көнендә Казанның кайбер урамнарында транспорт хәрәкәтен чикләячәкләр.

Шулай ук укыгыз

Барлык яңалыклар