Декабрьдә Казанда юбилей китап фестивале көтелә

Декабрьдә Казанда юбилей китап фестивале көтелә

<p> (Казан шәһәре KZN.RU, 7-нче ноябрь). 8 һәм 9 декабрьдә “Смена” заманча мәдәният үзәгендә юбилей – унынчы – китап фестивале узачак. Оештыручылар ике көнлек интеллектуаль әдәбият ярминкәсе, балалар һәм зурлар өчен мәгариф программасы, шәһәрнең истәлекле урыннары буенча музыкаль экскурсияләр, концерт һәм күргәзмә оештырганнар.<br> </p> <p> Ярминкә кунаклары беренчеләрдән булып интеллектуаль әдәбият тәкъдим иткән Россия нәшриятлары һәм китап кибетләренең яңалыкларын бәяли алалар. Катнашучылар яңа китапларны арттырылмаган бәя буенча ала алачаклар. </p> <p> Фестиваль лекцияләрендә китап нәшриятлары җитәкчеләре чыгыш ясаячак. Алар 2019 елның мәдәни трендлары турында сөйләячәкләр. </p> <p> Балалар өчен программа кысаларында үсеп килүче буын белән сирәк очрый торган хайваннар, үсемлекләр һәм кошлар турында сөйләшәчәкләр, мастер-классларда планетаның экологиясе һәм киләчәге проблемаларын кузгатачаклар. </p> <p> Әлеге көнәр заманча мәдәният үзәге өчен дә үзенчәлекле – ул үзенең беренче юбилеен – биш еллыгын билгеләп үтә. 2013 елда ул үз эшен нәкъ менә әлеге китап фестивалендә башлап җибәрде. Чарада “Смена” командасы проектлары һәм 2019 елга планнары турында сөйләргә планлаштыра. </p> <p> Фестиваль Казан Мэриясе, ТР Мәдәният министрлыгы һәм “Живой город” заманча сәнгатькә булышлык итү фонды ярдәме белән оештырыла. </p> <p> Чара 8 һәм 9 декабрьдә 12.00 сәгатьтән 20.00 сәгатькә кадәр үтәчәк, дип хәбәр итә “Смена” заманча мәдәният үзәге. </p>

2018-11-07T10:15:02+0300