Казан аэропортында Бөек Ватан сугышы ветераннарына VIP-залда бушлай хезмәт күрсәтелә

VIP-залда ветераннарга салкын һәм кайнар эчемлекләр, шулай ук расланган меню нигезендә бушлай туклану каралган.

(Казан шәһәре KZN.RU, 16-нчы апрель). Казан аэропортында Бөек Ватан сугышы ветераннарына 2-нче терминалның VIP-залында бушлай хезмәт күрсәтелә. Мондый кагыйдә 2015 елда очучы һәм килүче пассажирлар, шулай ук аларны озатып йөрүче затлар өчен кертелгән иде.

VIP-залда ветераннарга салкын һәм кайнар эчемлекләр, шулай ук расланган меню нигезендә бушлай туклану каралган. Моннан тыш, алар өчен һава судносына уңайлы итеп бару һәм кайту өчен микроавтобус бирелә.

1941-1945 еллар Бөек Ватан сугышы инвалидының яки Бөек Ватан сугышында катнашучының ташламалы статусын раслый торган документлар исемлеге белән Казан аэропорты сайтында танышырга мөмкин.

Шулай ук укыгыз

Барлык яңалыклар