2021 елда Казанда 1,7 мең урынга исәпләнгән яңа муниципаль парковкалар төзекләндерелде

Шәһәр Башкарма комитетында урам-юл челтәрендәге юл хәрәкәтен оештыру турында мәгълүматлары төгәлләштерелде.

Фото: Казан шәһәре KZN.RU

(Казан шәһәре KZN.RU, 9-нчы декабрь). Быел Казанда муниципаль парковка киңлеге 1,7 мең машина урынына арттырылган, нәтиҗәдә ул 149 участокта 6 меңнән артык машина йөртүчегә хезмәт күрсәтә алачак. Юл билгеләрен урнаштыру схемалары, шул исәптән инвалидлар өчен урыннар һәм башка объектлар, шулай ук парковкалар чикләре, Казан шәһәре муниципаль берәмлеге документлары һәм хокукый актлары җыентыгының махсус чыгарылышында басылып чыкты.

Исегезгә төшерәбез, 2022 елның беренче кварталында эшли башлаячак яңа муниципаль парковкалар Яруллин, Волгоград, Бондаренко, Короленко, Нигъмәтуллин, Чистай, Сибгат Хәким, Назарбаев, Газ, Павлюхин һәм Агрономия урамнарында оештырылган. Алар ел дәвамында этаплап төзекләндерелә, өстәвенә, урамнарның буеннан-буена түгел, ә гамәлдәге юл кырыенда урнашкан өстәмә урыннарда. Шулай ук парковка урыннары шәһәр халкы соравы буенча аларга ихтыяҗ булган урам-юл челтәре участокларында да барлыкка килә.

Юл хәрәкәтен оештырудагы барлык үзгәрешләр белән сылтама буенча танышырга мөмкин.

Әлеге муниципаль парковкаларны гамәлгә кертү сроклары турында шәһәрлеләргә өстәмә рәвештә хәбәр ителәчәк.

Исегезгә төшерәбез, ел ахырына кадәр Казан Мэры Илсур Метшин йөкләмәсе буенча, пандемия чорында эшкуарлыкка ярдәм йөзеннән, муниципаль парковкаларның ташламалы эш режимы озайтылды. Түләү эш көннәрендә генә 7:00 сәгатьтән 18:00 сәгатькә кадәр алына, калган вакытта, шул исәптән шимбә, якшәмбе һәм бәйрәмнәрдә муниципаль паркингтан бушлай файдаланырга мөмкин.

Шулай ук укыгыз

Барлык яңалыклар