2020 елда Казанда «Заречная» канализация-насос станциясе һәм ләм явым-төшемнәрен эшкәртү цехын эшләтеп җибәрү планлаштырыла

2020 елда Казанда «Заречная» канализация-насос станциясе һәм ләм явым-төшемнәрен эшкәртү цехын эшләтеп җибәрү планлаштырыла

<p> <img src="https://www.kzn.ru/upload/iblock/cc9/DEN_7948.jpg"><br> </p> <p> <span style="color: #3d3d3d;">(Казан шәһәре KZN.RU, 2-нче октябрь, Алсу Сафина). 2020 елда Казанда шәһәр инфраструктурасының ике зур объектын файдалануга тапшыру планлаштырыла: «Заречная» канализация-насос станциясе һәм ләм явым-төшемнәрен термомеханик эшкәртү цехы. Шәһәрнең Генплан проектында 176 канализация-насос станциясе, шул исәптән «Перспективная» канализация-насос станциясен төзү һәм 90 га ләм басуын рекультивацияләү каралган. Бу хакта журналистларга Казан Башкарма комитетында узган матбугат конференциясендә билгеле булды.</span> </p> <p> <span style="color: #3d3d3d;">Хуҗалык-көнкүреш канализациясе 176 канализация-насос станциясен һәм 1376 км үзлектән ага торган коммуникацияләрне төзү һәм реконструкцияләү хисабына киңәйтеләчәк. Яңа объектлар арасында сәгатенә 20 мең кубометр проект егәрлеге булган «Заречная» канализация-насос станциясе бар. Башкарма комитет җитәкчесе урынбасары Искәндәр Гыйниятуллин сөйләвенчә, объектны киләсе елда ук файдалануга тапшыру планлаштырыла. Алга таба «Верхняя» канализация-насос станциясен консервацияләү күздә тотыла.</span> </p> <p> <span style="color: #3d3d3d;">Моннан тыш, ташландык суларны агызу системасы эшенең ышанычлылыгы өчен Яңа Савин районында «Перспективалы» канализация-насос станциясен төзү күздә тотыла. Объектның җитештерүчәнлеге сәгатенә 2 мең кубометр тәшкил итәчәк, канализация-насос станциясе «Заречная» канализация-насос станциясе һәм «Яңа Азино» канализация-насос станциясе арасындагы агынты суларны бүлү өчен кирәк, дип сөйләде журналистларга «Мәскәү Генплан институты» проектының баш инженеры Валентина Веткина.</span> </p> <p> <span style="color: #3d3d3d;">Шулай ук киләсе елда ләм утырмасын термомеханик эшкәртү буенча яңа цех ачу планлаштырыла. «Водоканал» муниципаль унитар предприятиесенең бу проектын тормышка ашыру эшләре </span><a href="http://www.kzn.ru/meriya/press-tsentr/novosti/v-kazani-pristupili-k-stroitelstvu-tsekha-po-termomekhanicheskoy-obrabotke-ilovogo-osadka/" target="_blank"><span style="color: #0d5baa;">ел башында старт алды</span></a><span style="color: #3d3d3d;">. Мондый типтагы технология һәм җиһазлар Россиядә беренче тапкыр кулланыла. Проектның бәясе якынча 1,5 млрд. сум дип бәяләнә. Яңа корылмалар, термоутилизациядән соң, 100 тоннага кадәр гранулалы матдә алып, тәүлек саен 340 тоннналы ләмле явым-төшемне дымлылык белән эшкәртергә мөмкинлек бирәчәк. Бу матдә шәһәр хуҗалыгының һәм сәнәгатьнең төрле өлкәләрендә кулланыла ала.</span> </p> <p> <span style="color: #3d3d3d;">Искәндәр Гыйниятуллин искәрткәнчә, хәзер проектның беренче этабы гамәлгә ашырыла. «Төзелеш тәмамланып килә, ләм явым-төшемнәрен термомеханик сусызландыру заводы буенча эшләтеп җибәрү-көйләү чараларына чыгачакбыз, - дип билгеләп үтте Башкарма комитет җитәкчесе урынбасары. - Җиһазлар тулы күләмдә куелган, эшләр график буенча бара». «Киләсе елда без файдалануга чыгачакбыз, шуннан соң ләм явым-төшемнәрен ләм кырларына чыгару туктатылачак», - дип өстәде ул.</span> </p> <p> <span style="color: #3d3d3d;">Киләсе этапта 90 га мәйданда ләм басуларын рекультивацияләү һәм аларны эксплуатацияләүдән чыгару планлаштырыла. «Хәзерге вакытта ТР Экология министрлыгы тупланган калдыкларны рекультивацияләү ысулын әзерләү эшен тәмамлый һәм гамәлгә кертү буенча карар кабул итә, моңа заводны файдалануга тапшырганнан соң керешәчәкбез», - дип аңлатты И.Гыйниятуллин. Исегезгә төшерәбез, элек ТР экология министры Александр Шадриков биологик чистарту корылмаларының ләм кырларын </span><a href="http://www.kzn.ru/meriya/press-tsentr/novosti/k-2024-godu-v-kazani-rekultiviruyut-ilovye-polya-biologicheskikh-ochistnykh-sooruzheniy/" target="_blank"><span style="color: #0d5baa;">2024 елга рекультивацияләү планлаштырыла</span></a><span style="color: #3d3d3d;">, дип хәбәр итте. Эшләр «Экология» илкүләм проектының «Иделне савыктыру» федераль проекты кысаларында башкарылачак. ТР Экология һәм табигый байлыклар министрлыгында ләм басуларын рекультивацияләүнең 17 технологиясе каралган. Агымдагы елның августында бирелгән участокта сүндерелмәгән известь катнашмасын һәм 1,25 мм кадәрле фракциянең актив цеолитын кулланып ләм утырмасын зарарсызландыру технологиясен сынап карадылар.</span> </p> <p> <span style="color: #3d3d3d;">Моннан тыш, шәһәрнең канализациянең биологик чистарту корылмаларында юынты суларны тирәнтен чистарту технологияләрен гамәлгә кертү планлаштырыла. «Крутушка» локаль чистарту корылмалары һәм сәнәгать предприятиеләре ябык биналарга, газ-һава катнашмасын чистартып, күчереләчәк.</span> </p> <span style="color: #3d3d3d;">«Мәскәү Генплан институты» проектының баш инженеры Валентина Веткина шулай ук </span><a href="http://www.kzn.ru/meriya/press-tsentr/press-relizy/v-kazani-poyavitsya-novyy-vodozabor-stolbishchenskiy-i-60-km-magistralnogo-vodoprovodnogo-koltsa/" target="_blank"><span style="color: #0d5baa;">яңгыр канализациясенең яңа участокларын төзү планнары турында сөйләде</span></a><span style="color: #3d3d3d;">. Су басу, искергәнлек һәм зур физик тузу участокларында реконструкция һәм күчерү эшләре башкару каралган. 106 чистарту корылмасын һәм 500 км яңгыр канализациясе челтәрләрен төзү һәм реконструкцияләү билгеләнгән.</span>

2019-10-02T14:16:31+0300