Казан Гражданнар хәле актларын теркәү идарәсе хезмәтләрне мөрәҗәгать итүченең яшәү урынына бәйсез рәвештә күрсәтә башлады

Цифрлаштыру елында идарә тууны һәм үлемне дистанцион теркәүнең яңа моделенә күчәчәк.

Фото: Денис Гордийко

(Казан шәһәре KZN.RU, 17-нче гыйнвар, Алинә Бережная). 2021 елның 30-нчы декабреннән Казандагы Гражданнар хәле актларын теркәү идарәсе граждан хәле актларын дәүләт теркәвенә алу белән бәйле булган хезмәтләрне экстерриториаль принцип буенча күрсәтә башлады. Ягъни хәзер мөрәҗәгать итүченең яшәү урынына һәм юридик фактка бәйсез рәвештә хезмәт күрсәтелә. Бу хакта Казан Башкарма комитетының эшлекле дүшәмбесендә идарә җитәкчесе Римма Миңнуллина сөйләде.

«Гражданнар хәле актларын теркәү идарәсе дәүләт органнары өчен статистик мәгълүматны формалаштыра гына, шул исәптән, Росстат та, ул агымдагы елның беренче кварталы ахырына Казан, Татарстан һәм тулаем ил буенча 2021 елда актуаль демографик мәгълүматны формалаштырачак», - дип билгеләде Римма Миңнуллина.

РФ халкы турында бердәм федераль мәгълүмат теркәү кертелүгә бәйле
рәвештә, Цифрлаштыру елында Гражданнар хәле актларын теркәү идарәсе туу һәм
үлем буенча дәүләт хезмәтләре күрсәтүнең «Бала туу» һәм «Якын кешене югалту»
суперсервисларын кулланып башкарыла торган реестрлы моделенә күчә. Римма
Миңнуллина сүзләренә караганда, бу дәүләт органнарына килеп тормыйча гына
хезмәт күрсәтүне гадиләштерүгә һәм кәгазь документлар әйләнеше минимумына
китерәчәк.