Казанның Мәдәният идарәсе идарәче кадрлар резервына кертү буенча конкурс игълан итә

Сайлап алынган кандидатлар шәһәр мәдәният йортларының вакантлы җитәкче урыннарына билгеләнергә мөмкин.

(Казан шәһәре KZN.RU, 5-нче ноябрь). Казанның Мәдәният идарәсе шәһәр мәдәният йортларының вакантлы җитәкче вазифаларына билгеләнү өчен идарәче кадрлар резервына кертүгә конкурс игълан итә. Документлар 22-нче ноябрьдән 6-нчы декабрьгә кадәр кабул ителә.

Катнашучыларга Казан мәдәни учреждениеләренең берсен үстерү проект-концепциясен булдыру тәкъдим ителә: «Полимер» мәдәният йорты, Тимерьюлчылар мәдәният йорты, Вознесение, Кадыш, Нагорный торак массивларындагы мәдәният йортлары, шулай ук Колсәет торак массивындагы булачак мәдәният йорты. Кирәкле документлар исемлеге, шулай ук тәкъдим ителгән концепцияләрне бәяләү критерийлары турында тулырак мәгълүматны сылтама буенча табарга була.

Шулай итеп, конкурста катнашу өчен документлар Мәдәният идарәсендә түбәндәге адрес буенча кабул ителәчәк: Профсоюз ур., 25/15, 206-нчы номерлы кабинет. Бирегә 22-нче ноябрьдән 6-нчы декабрьгә кадәр эш көннәрендә 10.00 сәгатьтән 17.00 сәгатькә кадәр мөрәҗәгать итәргә мөмкин булачак. Белешмәләр өчен телефон: (843) 292-49-80.

9-нчы декабрьдән 13-нче декабрьгә кадәр сайлап алуның читтән торып этабы узачак, ә 23-27-нче декабрьдә сайлап алынган катнашучылар үз проектларын конкурс комиссиясе каршында тәкъдим итәчәкләр һәм яклаячаклар. Конкурс нәтиҗәләре Мәдәният идарәсенең интернет-сәхифәсендә конкурс тәмамланганнан соң өч көн дәвамында урнаштырылачак.

Шулай ук укыгыз

Барлык яңалыклар