«ПЖКХ» идарәче компаниясе көзге экология акциясендә 850 кубометр автомобиль шинасы җыйган

Эшкәртелгән шиналар балалар һәм спорт мәйданчыклары өчен резина өслек ясауга тотылачак

«ПЖКХ» идарәче компаниясе фотосы

Ике атна эчендә, 2 ноябрьдән 15 ноябрьгә кадәр, Казан халкы «ПЖКХ» идарәче компаниясе игълан иткән экологик акция кысаларында 850 кубометрдан артык иске автомобиль шиналары тапшырган. Акция барышында җыелган барлык шиналар махсус эшкәртү предприятиеләренә җибәреләчәк. Эшчеләр аларны вак кисәкләргә әйләндереп, мондый төр чимал балалар һәм спорт мәйданчыклары, шулай ук шәһәр инфраструктурасы объектлары өчен куркынычсыз өслекләр булдыруда кулланылачак, дип хәбәр итә калдыклар белән эш итү буенча төбәк операторы.

Ел башында уздырылган акциядә Казан халкы 830 кубометр шина тапшырган булган. Ә 2024 елның кышында төбәк операторы 2 мең кубометрдан артык иске шина җыеп, аны эшкәртүгә җибәргән.

«ПЖКХ» идарәче компаниясендә билгеләп үтүләренчә, акция шәһәрнең билгеләнмәгән контейнер мәйданчыкларында рөхсәтсез шиналар ташлауны булдырмауга һәм икенчел ресурсларны эшкәртү циклына игътибар җәлеп итүгә юнәлдерелгән.

«Мондый акцияне уздыру – шәһәр экологиясенә бездән мөһим өлеш кертү дигән сүз. Цивилизацияле ысул белән шиналарны үтильләштерү санкцияләнмәгән чүплекләр барлыкка килүне булдырмый кала, алай гына да түгел, бу кыйммәтле ресурсларны икенчел файдалануга кертү мөмкинлеге булып тора. Без чарада катнашкан барлык казанлыларга да рәхмәтебезне белдерәбез», - дип мәсьәләнең мөһимлеген билгеләде Татарстан Республикасы Дәүләт Советы депутаты, «ПЖКХ» идарәче компаниясе генераль директоры Евгений Чекашов.

Бүгенге көндә Казанда 11 меңнән артык контейнер мәйданчыгы булдырылган, аларда калдыкларны җыю өчен 31 меңнән артык чүп савыты исәпләнә. Калдыкларны төрләргә бүлеп җыю өчен 2310 сары контейнер куелган. Бер ел эчендә сары челтәрләрдән 4 мең тоннага якын файдалы чимал сайлап алынган, бу 2023 ел белән чагыштырганда 1,2 мең тоннага күбрәк, ди хезмәткәрләр.

Шулай ук укыгыз

Барлык яңалыклар