В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
02.02.2022, 15:11
КФУ галиме: 2 нче һәм 3 нче февраль көннәрендә казанлыларны геомагнит давыллары көтә
Организмына һава торышы үзгәрешләре тәэсир итә торган кешеләргә сәламәтлекләренә игътибарлы булырга кирәк.
Фото: Марат Мөгыйнов
(Казан шәһәре KZN.RU, 2 нче февраль). Якындагы берничә көндә казанлылар үз халәтләрендә тискәре үзгәрешләр сизәргә мөмкин. Моның сәбәбе – кояш плазмасы дулкыннарының күпләп бүлеп чыгарылуы аркасында барлыкка килгән геомагнит давыллары, дип хәбәр ителә КФУ сайтында.
Казан федераль университетының Физика институты профессоры, Энгельгардт Юрий Нефедьев исемендәге астрономия обсерваториясе директоры билгеләп үткәнчә, Кояш җиленең җиргә йогынтысы нинди булачагын фаразлау шактый кыен. «Барысы да плазма элементларының җиргә нинди почмак астында килеп җитүенә, һәм аларның планетабызга килү юлында киңлектә ничек таралуына бәйле», – дип билгеләп үтте галим.
Магнит давыллары булган көннәрдә үз сәламәтлегеңә аеруча игътибарлы булырга киңәш ителә, ә һава торышындагы үзгәрешләргә бәйле кешеләргә физик йөкләнешләрдән баш тартырга кирәк.
Шулай ук укыгыз
-
11.09.2025, 17:26 -
11.09.2025, 16:31 -
11.09.2025, 15:46 -
11.09.2025, 14:51