«Мәктәп экопатруле» конкурсында катнашучылар 4,5 мең законсыз чүплек турында хәбәр итте

Конкурста «Мәктәп экопатруле» мобиль кушымтасында edu.tatar.ru исәп язмасы аша теркәлгәннән соң катнашырга мөмкин.

(Казан шәһәре KZN.RU, 22-нче июль). Татарстан укучылары - «Мәктәп экопатруле» еллык конкурсында катнашучылар 4474 законсыз чүплек турында хәбәр иттеләр.

Быел балалар дүрт номинациядә җиңү өчен көрәшә: «Иң актив укучы»; «Иң актив сыйныф»; «Иң актив мәктәп» һәм «Иң яхшы муниципаль район/шәһәр округы» номинацияләре, дип хәбәр итә ТР Дәүләт идарәсенең цифрлы үсеш, мәгълүмати технологияләр һәм элемтә министрлыгының матбугат хезмәте.

Конкурста «Мәктәп экопатруле» мобиль кушымтасында edu.tatar.ru исәп язмасы аша теркәлгәннән соң катнашырга мөмкин. Укучылар калдыкларны тиешсез урында калдыру турында хәбәр итәләр, фото- һәм видеохәбәрләр җибәреп, моның өчен баллар алалар һәм үз рейтингларын арттыралар. Алынган заявкалар республиканың Экология һәм табигать ресурслары министрлыгы белгечләре тарафыннан анализлана.

Конкурс августның соңгы көнендә тәмамланачак. Иң актив укучыларның исемнәрен көз көне атаячаклар. Бүгенгә конкурста 249 бала катнашкан.

Татарстан Республикасында 2014 елдан бирле «Мәктәп экопатруле» конкурсы уздырыла. Анда республиканың мәгариф оешмалары укучылары катнаша. Конкурс чорында анда 2,6 меңнән артык укучы катнашкан. Гомумән алганда, алар 34,5 мең фото- һәм видеохәбәр җибәргәннәр. Конкурс ярдәмендә 15,9 меңнән артык чүплек бетерелгән.

Шулай ук укыгыз

Барлык яңалыклар