«Казан фанфарлары» фестивалендә катнашучылар Казанның дүрт паркында уйнаячак

Фестивальне 19 коллектив һәм 700-дән артык музыкант тәкъдим итәчәк.

(Казан шәһәре KZN.RU, 18-нче июль). 8-11 августта Казанда «Казан фанфарлары» халыкара тынлы оркестрлар фестивале узачак. Узган елдагы кебек үк, музыкантлар шәһәр паркларында һәм скверларында чыгыш ясаячак, шулай ук Беренче Май мәйданы буенча Бауман урамыннан ике тапкыр тантаналы марш узачак.

Фестивальнең беренче көнендә, 8-нче августта, оркестрларның чыгышларын Казан Кремлендә һәм Горки-Әмәт урманында 15.00 сәгатьтән 21.00 сәгатькә кадәр тыңларга мөмкин.

9-нчы августта 13.00 сәгатьтән 15.00 сәгатькә кадәр оркестрлар – Бауман урамында, 15.00 сәгатьтән 15.30 сәгатькә кадәр – Беренче Май мәйданында, 15.30 сәгатьтән 19.00 сәгатькә кадәр Казан Кремлендә чыгыш ясаячак.

10-нчы августта 10.00 сәгатьтән 21.00 сәгатькә кадәр концертлар Казан Кремлендә һәм «Крылья Советов» паркында узачак.

11-нче августта 9.00 сәгатьтән 12.00 сәгатькә кадәр «Черек күл» һәм Урицкий паркларында шәһәр халкы һәм кунаклар өчен тынлы оркестрлар уйнаячак, 13.30 сәгатьтән 15.30 сәгатькә кадәр аларны – Бауман урамында, 15.30 сәгатьтән 16.00 сәгатькә кадәр – Беренче Май мәйданында, 16.00 сәгатьтән 18.00 сәгатькә кадәр Казан Кремлендә тыңларга мөмкин булачак.

Моннан тыш, 9-нчы августта 13.00 сәгатьтән 15.30 сәгатькә кадәр һәм 11-нче августта 13.30 сәгатьтән 16.00 сәгатькә кадәр оркестрлар колоннасы Бауман урамыннан Профсоюз урамына кадәр узачак һәм Беренче Май мәйданына күтәреләчәк. Бу сәгатьләрдә колонна хәрәкәте маршруты буенча шәһәрнең үзәк урамнары буенча транспорт чаралары хәрәкәте чикләнәчәк.

«Казан фанфаралары» сигезенче фестивален Россия Федерациясе Оборона министрлыгы, Россия Эчке эшләр министрлыгы, Росгвардиянең танылган оркестрларыннан 19 коллектив һәм 700-дән артык музыкант тәкъдим итәчәк. Алар арасында Кызыл мәйданда тантаналы парадларда, халыкара фестивальләрдә, хәрби һәм махсус операцияләрдә даими катнашучылар бар.

Казанга Татарстан халкы һәм кунаклары яратып өлгергән Казакъстан Республикасы, Богородск һәм Екатеринбург шәһәрләреннән һәм Түбән Новгородтан элегант, стильле мажореткалар киләчәк.

Шулай ук укыгыз

Барлык яңалыклар