Казанга килгән халыкара авиарейсларның пассажирларында коронавирус ачыкланмаган

Биологик материаллар аэропортта ук алына, барлыгы 504 кеше тикшерелгән.

(Казан шәһәре KZN.RU, 25-нче август, Зилә Гайфи). Узган атнада коронавирус инфекциясенең Казанда 116 яңа «йорт» һәм 41 «хезмәт» учагы теркәлгән. Гаиләләрдә 389 «контактлы» зат ачыкланган, эш коллективларында – 88 хезмәткәр, алар авыру кешеләр белән элемтәдә торган. Бүгенге көндә Татарстанда медицина күзәтүе астында барлыгы 875 «контактлы» зат һәм коронавируста шикләнелүче кешеләр бар. Бу хакта бүген «Татар-информ» мәгълүмат агентлыгында узган матбугат конференциясендә Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсенең ТР буенча җитәкчесе урынбасары Любовь Авдонина сөйләде.

Аның сүзләренә караганда, авырулар саны узган атналар белән чагыштырганда шул ук дәрәҗәдә кала. «Яшь төркемнәренә килсәк, 4,6%-ны 17 яшькә кадәрге балалар тәшкил итә. Бу күрсәткеч бөтен күзәтү чорында 5%-тан артмаган. Авыручыларның төп төркеме – 40 яшьтән 64 яшькә кадәрге кешеләр, ягъни якынча 48%. 65 яшьтән өлкәнрәк кешеләр 16,8% тәшкил итә. Бу төркемнәр буенча авыру дәрәҗәсе артуы күзәтелми. Авыру структурасында үпкә ялкынсынуының авырудан тыш формасы 28,6% тәшкил итә, бу күрсәткеч шулай ук сизелерлек үзгәрми, авыручыларның 41%-ында коронавирус ОРВИ тибы буенча бара, симптомсыз форма 30% кешедә күзәтелә», – дип сөйләде Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе идарәсе җитәкчесе урынбасары.

Халыкара авиарейслар яңартылу уңаеннан Казанга чит илләрдән очып килгән самолетлар пассажирлары тикшерү уза. Л.Авдонина билгеләп үткәнчә, бүгенге көндә 8 рейс пассажирлары (Төркиядән 7 һәм Таҗикстаннан 1) каралган. Биологик материаллар аэропортта ук алына, барлыгы 504 кеше тикшерелгән, коронавирус белән авыручылар ачыкланмаган. Гомумән алганда, Татарстан буенча 567 мең медицина тикшерүе уздырылган.

Л.Авдонина шәһәр кешеләрен бу көздә грипптан вакцинация узарга чакырды. «Гриппка каршы вакцинаны башка прививкалар белән берләштерергә мөмкин. Без коронавирусның «икенче дулкынын» көтмибез, сезонлы рәвештә респиратор инфекцияләр белән авыручылар артуын көтәбез. Эпидемия бусагасы 10 ел дәвамында теркәлә торган күпьеллык күрсәткечләрдән чыгып исәпләнә. Грипп буенча эпидемия бусагасын арттыру, битлек режимы һәм массакүләм чараларны чикләү кертелә, ул 50-60%-тан артык тәшкил итә», – дип ассызыклады ул. Белгечләр фикеренчә, грипптан прививка ясаучылар инфекцияләр «микс»ыннан сакланачак.

Исегезгә төшерәбез, Татарстанда соңгы тәүлек эчендә коронавирус инфекциясе белән авыруның 30 яңа очрагы теркәлгән.

Шулай ук укыгыз

Барлык яңалыклар