Казанның ике урынында 1 мең кв. метрдан артык мәйданда чәчәк түтәлләре барлыкка киләчәк

Казанның ике урынында 1 мең кв. метрдан артык мәйданда чәчәк түтәлләре барлыкка киләчәк

<p> </p> <div class="detail-picture"> <img src="https://kzn.ru/upload/iblock/9d2/9d294c483f26aaf70525b49af7315772.jpg"> <p class="detail-picture__caption"> Фото: Денис Гордийко </p> </div> Бу җәйдә Татарстан башкаласында 84 урам чәчәкләр белән бизәләчәк. Әлеге эшләр 15 мең кв.м мәйданда җәелдереләчәк. Иң зур чәчәк түтәлләре Казан циркы бинасы янында (1,2 мең кв.м) һәм Сибгат Хәким урамында урнашкан Спортның су төрләре сарае янында (1 мең кв.м) пәйда булачак. Аукцион нәтиҗәләре буенча эшне «Горводзеленхоз» МУП тресты башкарачак. Бу хакта аппарат киңәшмәсендә Башкарма комитет җитәкчесе урынбасары Игорь Куляжев хәбәр итте. <p> </p> <p> «Горводзеленхоз» һәм район администрацияләреннән тыш, шәһәр учреждениеләрен милекчеләр дә бизәргә ярдәм итәчәк. Алар тарафыннан 1 мең чәчәк утыртылачак. Бүген милек хуҗалары биналарны бизәүгә иҗади якын киләләр һәм моны чын күңелдән эшлиләр. Мин район администрацияләреннән эшмәкәрләрнең башлангычларында булдыра алган кадәр ярдәм күрсәтүләрен сорыйм», – диде Башкарма комитет җитәкчесе Рөстәм Гафаров. </p> <p> ТР башкаласын бизәүгә казанлылар да үз өлешен кертә. «Йорт яны территорияләрендә чәчәк түтәлләре ел саен арта. Без битараф булмаган шәһәрлеләргә рәхмәтлебез», – дип өстәде ул. </p> <p> <img width="522" src="https://kzn.ru/upload/iblock/1d3/1d380b8c4226467f432c8d3098338327.jpg" height="392" class="img-right"> Игорь Куляжев сүзләренә караганда, чәчәк түтәлләрен Пушкин, Лобачевский, Николай Ершов, Сибгат Хәким урамнарында, Оренбург трактында, Универсиада проспектында һәм башка участокларда күрергә мөмкин булачак. </p> <p> Ике меңнән артык чәчәк кашпосы төп магистральләр буйлап 27 участокта эленеп торачак. Алар арасында Оренбург тракты, Кремль, Вишневский, Альберт Камалиев, Николай Ершов, Павлюхин һәм башка урамнар бар. Кашполарга 24,5 мең ампель петуния утыртылачак – алар гадәти шәһәр панорамасына ямь өстәячәк. </p> <p> 68 чәчәк фигурасыннан торган тагын 22 күләмле композиция спорт объектлары янында һәм юл буйларында барлыкка киләчәк. </p> <p> Игорь Куляжев билгеләп үткәнчә, композицияләрне планлаштырганда үсентеләрнең биеклек пропорцияләре, һава шартларына талымсызлыгы исәпкә алына. «Эш өчен сертификацияләнгән 20 төр чәчәк үсентесе кулланыла: бегония, гацания, георгин һәм башкалар. Чәчәкләрнең иң популяр төрләре – тагетес, ценерария, сальвия һәм петуния», – дип ассызыклады спикер. </p> <p> Чыгышын тәмамлап, Игорь Куляжев казанлыларны чәчәк түтәлләренә карата җаваплы булырга, аларны вандаллардан сакларга чакырды. </p> <p> <i>Диләрә Гафурова</i> </p> <p> <i>Фото: Марат Мөгыйнов</i> </p> <br>

2024-05-20T13:30:00+0300