Цирк тамашасын бүген «Ак чәчәкләр» бульварында һәм Салават Күперендә күрсәтәчәкләр

Жонглерлар, акробатлар, эквилибристлар «Уенчыклар тормышы» программасын тәкъдим итәчәкләр.

Фото: Денис Гордийко

(Казан шәһәре KZN.RU, 30 нчы декабрь). Бүгенге Яңа ел чаралары афишасында Казан циркы артистлары чыгышы, Кыш бабай һәм Кар Кызы белән бәйрәм программасы, шулай ук «Ел фасыллары» балалар спектакле бар.

16:00 сәгатьтә жонглерлар, акробатлар, эквилибристлар «Ак чәчәкләр» бульварында «Уенчыклар тормышы» программасын тәкъдим итәчәк, ә 18:00 сәгатьтә цирк артистлары Салават Күперендәге паркта чыгыш ясый башлаячак. Тамаша балаларга да, өлкәннәргә дә кызыклы булачак.

«Кыш бабай һәм Кар кызы» бәйрәм программасы 16:00 сәгатьтә «Әкият» курчак театры янындагы паркта старт ала. Төп кыш тылсымчылары әкият атмосферасы тудырачак һәм әйлән-бәйлән уздырачак, дип хәбәр итә шәһәр Башкарма комитетының Парклар һәм скверлар дирекциясе.

ТР башкаласының нәниләренә бүген шулай ук Казан Кремленең Гавами урыннары ишегалдында «Ел фасыллары» спектаклен күрсәтәчәкләр. Явыз затка, табигать балансын бозмасын өчен, кыш, яз, җәй һәм көз берләшеп каршы торачак. Telegram-каналда хәбәр ителгәнчә, тамаша 18:00 сәгатьтә башланачак. Керү ирекле, шәһәрлеләрнең очрашу урыны – Консистор манарасы янындагы мәйдан.

Быел Казанда 19 җәмәгать киңлегендә 100 дән артык бушлай кышкы чара узачак. Бәйрәм программасы гыйнвар уртасына кадәр дәвам итәчәк. Булачак вакыйгалар, чыршы базарлары, шугалак һәм чаңгы трассалары, шулай ук пиротехниканы эшләтү мәйданчыклары турында KZN.RU порталындагы махсус бүлектә белергә була.

Шулай ук укыгыз

Барлык яңалыклар