ТР Милли музеенда Казандагы яхтачыларның дөнья буйлап сәяхәте турында китап тәкъдим иттеләр

Команда 45 мең километрдан артык юл үткән, ә аларның маршруты Урта диңгез һәм өч океан аша узган

Фото: Екатерина Красуцкая

(Казан шәһәре KZN.RU, 4 нче июль). ТР Милли музеенда Казан яхтачыларының дөнья буйлап сәяхәте турында «Океан буйлап йөгерү» китабын тәкъдир иттеләр. Әсәрдә команданы Гарәп диңгезенең пиратлары белән очрашу куркынычынан алып Covid-19 аркасында ябык портларга кадәр көткән маҗаралар тасвирлана. Сәяхәт вакытында диңгезчеләр 45 мең километрдан артык юл үткәннәр, ә аларның маршруты Урта диңгез, Атлантик, Тын океан һәм Һинд океаны аша узган. Китапта сәяхәт вакытында төшерелгән фотолар бар.

Китапны презентацияләү урынын очраклы гына сайламаганнар – оештыручылар 2020 елда ТАССР оешуның 100 еллыгы билгеләп үтелүен, нәкъ менә шушы датага дөнья буйлап йөзүне багышлауларын җиткерделәр.

«Милонга» яхтасының капитаны булып спорт мастеры һәм Татарстан Җилкәнле спорт федерациясе каршындагы җилкәнле мәктәп җитәкчесе Алмаз Алиев билгеләнгән. Бөтен команда белән бергә ул музей кунаклары белән очрашуда катнашты. Спортчылар сәяхәтнең ничек башлануы турында сөйләделәр, йөзү тәэсирләре һәм дөнья буйлап булган кызыклы очраклар белән уртаклаштылар. Моннан тыш, Алмаз Алиев ТР Милли музеена ТАССРның 100 еллыгына флаг һәм үзләре белән дөнья буйлап юл узган радиоалгычны тапшырды. Элегрәк яхтачы музей фондларына Европа тирәли сәяхәт итүдән истәлекле әйберләр тапшырган иде инде.

Китап өстендә Казан журналисты Олег Корякин эшләгән. Ул идеядән алып Алмаз Алиев сүзләренә кадәр дөньяны әйләнеп чыгу тарихын тасвирлаган. Журналист иҗади эш вакытында егетләр тасвирланган вакыйгаларга ияләшүен һәм үзен экипажның дүртенче әгъзасы итеп хис итүен җиткерде. Китапта сәяхәт вакытында яхтада төшерелгән фотоларны күрергә мөмкин, дип хәбәр итә ТР Милли музееның матбугат хезмәте.

Шулай ук укыгыз

Барлык яңалыклар