«Тәмле Казан» фестивале 2023 елның илкүләм вакыйгасы дип танылды

Шулай ук ТР башкаласы «Идел буе кунакчыллыгы йолдызлары» конкурсын уздырган өчен Russian Event Awards бүләгенә лаек булды

Фото: Казанның туризмны үстерү комитеты

(Казан шәһәре KZN.RU, 24 нче ноябрь). Казан проектлары Вакыйгалы туризм өлкәсендә XII халыкара премия Russian Event Awards финалында иң яхшыларның берсе дип танылды. Жюри Татарстан башкаласында «Тәмле Казан» гастрономия фестивален һәм «Идел буе кунакчыллыгы йолдызлары» төбәкара һөнәри осталык фестивален үткәрүне югары бәяләде.

Проектлар презентациясе 23 нче ноябрьдә Түбән Новгородта узды. Чыгышлар нәтиҗәләре буенча эксперт жюри җиңүчеләрне билгеләде. Ә 24 нче ноябрьдә халыкара премия лауреатларын бүләкләү тантанасы узды. Аның нәтиҗәләре буенча Казан ике бүләк алды. «Туризм өлкәсендә иң яхшы MICE вакыйга» номинациясендә икенче урын Казанга «Идел буе кунакчыллыгы йолдызлары» төбәкара һөнәри осталык фестивале проекты өчен бирелде. Иң югары бүләк – «2023 елгы илкүләм вакыйга» номинациясендә Гран-прига Татарстан Республикасы башкаласы «Тәмле Казан» гастрономия фестивален үткәргән өчен лаек булды.

Быел Халыкара премиягә Россиянең 65 төбәгеннән 641 проект һәм Белоруссиянең ике төбәгеннән җиде проект тапшырылган, дип хәбәр иттеләр Казанның туризмны үстерү комитетында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар