Казанда муниципаль хезмәтләрнең өчтән бере электрон рәвештә күрсәтеләчәк

2017 ел эчендә Казанда 365 меңнән артык муниципаль хезмәт күрсәтелгән.

(Казан шәһәре KZN.RU, 17-нче апрель, Ксения Швецова). 2017 ел эчендә Казанда 365 меңнән артык муниципаль хезмәт күрсәтелгән, шуларның өчтән бере – электрон рәвештә. Моның турында бүген Казан шәһәре Думасының XXV сессиясе утырышында транспорт, икътисади үсеш һәм сәүдә мәсьәләләренә күзәтчелек итүче Башкарма комитет җитәкчесе урынбасары Илдар Шакиров хәбәр итте.

Электрон рәвештә хезмәтләр күрсәтү – Казанның 2030 елга кадәр социаль-икътисади үсеш стратегиясен гамәлгә ашыруның нигез элементларының берсе булып тора. И.Шакиров сүзе буенча, 2017 елда Татарстан башкаласында электрон форматка күчерелергә тиешле 44 муниципаль хезмәт исемлеге билгеләнде. Бүгенге көндә шуларның 7-се электрон рәвештә күрсәтелә һәм 20-се агымдагы ел азагына кадәр электрон форматка күчереләчәк.

Фоторепортаж

Шулай ук укыгыз

Барлык яңалыклар