Атна топ-5 яңалыгы: яңа мәктәп, халыкны авария хәлендәге йортлардан күчерү һәм алсу фламинголар

Узган эш атнасының төп вакыйгалары – KZN.RU порталы җыелмасында.

Фото: Марат Мугинов

(Казан шәһәре KZN.RU, 6-нчы август). Казанда авария хәлендәге йортларда яшәүчеләрне яңа фатирларга күчерүне дәвам итәләр, ә сентябрьдә Татарстан башкаласы БДБ илләре Уеннарында катнашучыларны каршы алырга әзерләнә. Шул ук вакытта шәһәр халкын һәм кунакларын зооботаника бакчасының яңа яшәүчеләрен карарга һәм үзләрен волонтерлар сыйфатында сынап карарга чакыралар. Узган эш атнасының иң төп вакыйгалары турында–KZN.RU порталы сайланмасында.

Спортлы сентябрь

Казан янә эре спорт вакыйгаларын уздыру урыны булачак – 4-нче сентябрьдән 11-нче сентябрьгә кадәр Татарстан Республикасы башкаласында БДБ илләренең I Уеннары, ә 8-нче сентябрьдән 10-нчы сентябрьгә кадәр – «Россия – спорт державасы» халыкара форумы узачак. Россия җыелма командасы составына кем керәчәк һәм БДБ илләре Уеннарында ил данын кем яклаячак, чарада ничек волонтер булырга, шулай ук халыкара форумга әзерлек ничек бара, сылтама буенча укыгыз.

Авария хәлендәге тораклардан – яңа фатирларга

Киләсе ел ахырына 13 авария хәлендәге йортта яшәүчеләр яңа фатирлар алачак. Шәһәр халкына «Салават Купере» торак комплексында уңайлы фатирлар бирәчәкләр, аларның мәйданы авария хәлендәге торак мәйданыннан өчтән бер өлешкә артып китә. Эшнең ничек баруы турында тулырак мәгълүмат – портал материалында.

Волонтерлар ярдәмгә ашыга

Казанда волонтерлар җитми – каникулларда күп кенә студентлар таралгач, авыруларның өйләренә дарулар китерә торган ирекле ярдәмчеләр саны ике тапкырга кимегән. Теләге булганнар изге эшкә кушыла һәм пандемиягә каршы көрәшкә үз өлешен кертә ала. Волонтерларның ничек эшләве һәм аларга ничек кушылырга мөмкин булуы турында тулырак мәгълүматны безнең материалда укыгыз.

Фламинголар алсу төскә кайчан керәчәк?

Казан зооботаника бакчасында яңа яшәүчеләр барлыкка килде – 20 фламинго «Замбези елгасы»нда урнашкан. Африка кошлары үзләренең соры-ак каурыйлары белән шәһәр халкында шунда ук сорау тудырды: нигә алар алсу төстә түгел? Җавапны сылтама буенча белеп була.

Яңа белем сарайлары

«Салават күпере» торак комплексында уку елына яңа лицей ачылачак. Моннан тыш, «Заман» гимназиясе тулы көченә эшли башлаячак, ә мәктәпкәчә яшьтәге балаларны «Елмай» балалар бакчасы кабул итәчәк. Нечкәлекләре – сылтама буенча.

Шулай ук укыгыз

Барлык яңалыклар