Телетапшырулар алып баручы Гөлназ Сәфәрова казанлылар өчен бию аэробикасы буенча бушлай мастер-класс үткәрәчәк

Ритмик дәрес «Хәрәкәттә-бәрәкәт» проекты кысаларында Горки-Әмәт урманында узачак.

Фото: Парклар һәм скверлар дирекциясе

(Казан шәһәре KZN.RU, 11 нче июль). 12 нче июльдә Казанның Горки-Әмәт урманында «Хәрәкәттә – бәрәкәт» проекты кысаларында татар телендә чираттагы дәрес узачак. Шәһәр халкы бию аэробикасы буенча бушлай мастер-класска бара алачак.
Бию дәресен Татарстан Республикасының атказанган артисты, теле - һәм радиотапшырулар алып баручы Гөлназ Сәфәрова һәм «Сәйдәш» мәдәни үзәгенең спорт юнәлешләре җитәкчесе Ләйсән Мөхәммәтҗанова үткәрәчәк.

Спорт дәресенә теләсә кайсы яшьтәге һәм физик әзерлек дәрәҗәсендәге теләүчеләр килә ала. Уңайлы спорт һәм аяк киеменнән килергә киңәш ителә.

Тренировка 12 нче июльдә, 19:00 сәгатьтә башлана. Очрашу урыны – Горки-Әмәт урманы сәхнәсе, дип хәбәр иттеләр Казан Башкарма комитетының Тел культурасы өлкәсендә милли сәясәтне гамәлгә ашыру бүлегендә.

Исегезгә төшерәбез, «Хәрәкәттә – бәрәкәт» проекты Казан Мэриясе һәм Парклар һәм скверлар дирекциясе ярдәмендә шәһәрнең җәмәгать киңлекләрендә үткәрелә торган татар телендәге спорт һәм иҗат дәресләрен берләштерә.

Июнь аенда проектның ике мастер-классы узды: беренчесе – «Ярмәк вагы» татар биюенә, икенчесе чечетка нигезләренә багышланган иде. Узган елның җәйге сезонында 14 дәрес үткәрелде. Узган елның җәйге сезонында барлыгы 14 дәрес үткәрелде. Шәһәрнең алты җәмәгать киңлегендә – Кабан күле яр буенда, «Ак чәчәкләр» бульварында, Горький исемендәге, Урицкий исемендәге, «Черек күл» паркларында һәм Фучик урамындагы бульварда казанлылар йога, сулыш алу практикалары белән шөгыльләнделәр, импровизация биюләре һәм башка юнәлешләр буенча мастер-классларда булдылар.

Шулай ук укыгыз

Барлык яңалыклар