Татарстанлылар хәрби комиссариатка бару өчен цифрлы рөхсәт рәсмиләштерә ала

Татарстанда үзизоляция режимы гамәлдә булган чорга кертелгән цифрлы рөхсәтләр системасына яңа максат өстәлде.

(Казан шәһәре KZN.RU, 16-нчы апрель). Татарстанда үзизоляция режимы гамәлдә булган чорга кертелгән цифрлы рөхсәтләр системасына яңа максат - военкоматка бару өстәлгән.

Бу максат буенча цифрлы пропуск алу өчен татарстанлыларга «1» максаты (судта һәм военкоматта булу) күрсәтелгән смс-хәбәр җибәрергә тиеш. Бу максат буенча рөхсәтне аена бер сәгатькә бер тапкыр рәсмиләштерергә мөмкин.

Дүшәмбе көнне цифрлы рөхсәтләр системасында өйдән чыгу өчен яңа максат барлыкка килде, «максат 10» - күпфункцияле үзәк офисларына һәм Россия Пенсия фонды бүлекләренә бару.

Моннан тыш, дүшәмбедән бирле татарстанлыларның үз һөнәри эшчәнлекләрен гамәлгә ашыру өчен цифрлы рөхсәт алу мөмкинлеге барлыкка килде.

Республикада цифрлы рөхсәтләр буенча контакт-үзәк эшен дәвам итә. Консультацияне түбәндәге номер буенча алырга мөмкин: +7(800)250-90-33.

Исегезгә төшерәбез, үзизоляция режимы вакытында өйдән чыгу өчен цифрлы рөхсәтне сайтта шәхси кабинет аша да алырга мөмкин. Татарстанлыларга системада теркәлү һәм өйдән чыгуга кодлар алу өчен смс-хәбәрләр җибәрү мәҗбүри түгел. Паспорт мәгълүматларын һәм телефон номерын күрсәтеп, сайтта үз шәхси кабинетыңны булдыру да җитә. Башка ил гражданнары документ сыйфатында яшәү рәвешен, миграция картасын яки визаны файдаланырга мөмкин.

Шулай ук укыгыз

Барлык яңалыклар