Татарстанлыларга мәктәп формасы, аяк киеме һәм уенчыкларның сыйфаты һәм куркынычсызлыгы мәсьәләләре буенча консультацияләр бирәчәкләр

Кулланучылар хокукларын яклау һәм кеше иминлеге өлкәсендә күзәтчелек федераль хезмәте белгечләре әлеге товарларга гигиеник таләпләр турында сөйләячәк.

Фото: Денис Гордийко

(Казан шәһәре KZN.RU, 12 нче август). Яңа уку елы алдыннан Кулланучылар хокукларын яклау һәм кеше иминлеге өлкәсендә федераль хезмәтнең ТР буенча идарәсе тематик кайнар линия үткәрә. Ул балалар киеме, аяк киеме, уенчыклар, мәктәп формасы, канцелярия товарлары, балалар туклануының сыйфаты һәм куркынычсызлыгына, шулай ук әлеге категориядәге товарларның гамәлдәге норматив гигиена таләпләренә багышланачак. Кайнар линия 15 нче августтан 26 нчы августка кадәр эшләячәк, дип хәбәр итә Кулланучылар хокукларын яклау һәм кеше иминлеге өлкәсендә федераль хезмәтнең ТР буенча идарәсе матбугат хезмәте.

Шалтыратулар Кулланучылар хокукларын яклау һәм кеше иминлеге өлкәсендә федераль хезмәтнең бердәм консультация үзәгендә +7(800)555-49-43 телефоны буенча (тәүлек буе) кабул ителәчәк.

Шулай ук консультацияләрне көн саен 9:00 дән 17:00 гә кадәр (тәнәфес 12:00 дән 13:00 гә кадәр), ял һәм бәйрәм көннәреннән тыш, +7(843)221-90-16 телефоны аша алырга мөмкин булачак.

Моннан тыш, Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе хезмәткәрләре дүшәмбе-пәнҗешәмбе көннәрендә 10:00 дән 17:00 гә кадәр, җомга көнне 10:00 дән 15:45 кә кадәр (тәнәфес 12:00 дән 12:45 кә кадәр) +7(843)273-15-83 телефоны буенча халык сорауларына җавап бирәчәк.

Шулай ук укыгыз

Барлык яңалыклар