Татарстанлыларга гараж амнистиясе мәсьәләләре буенча консультация уздырачаклар

Татарстанлыларга гараж амнистиясе мәсьәләләре буенча консультация уздырачаклар

<p> 6 сентябрьдә Татарстанда гараж амнистиясе мәсьәләләре буенча кайнар линия эшләячәк. Республика халкының сорауларына Росреестр һәм Роскадастрның төбәк бүлекчәләре белгечләре җавап бирәчәк. </p> <p> Гараж амнистиясе турындагы закон кысаларында гараж һәм җир кишәрлеген ничек рәсмиләштерергә икәнен 10:00 дән 12:00 гә кадәр +7(843)255-25-71 телефоны буенча белергә мөмкин. Иң популяр сорауларга җавапларны ведомствоның рәсми ресурсларында урнаштырачаклар. </p> <p> Акция гражданнарга 2026 елның 1 сентябренә кадәр гаражлар урнашкан дәүләт һәм муниципаль җир кишәрлекләрен милеккә түләүсез рәсмиләштерергә мөмкинлек бирүче Федераль законның гамәлдә булуына өч ел тулуга багышланган. </p> <p> Закон гамәлгә кергәннән бирле татарстанлылар 16 меңнән артык объектны милеккә рәсмиләштергән, дип хәбәр иттеләр Росреестрның республика буенча идарәсе матбугат хезмәтендә. </p> <p>   </p>

2024-09-05T11:47:00+0300