«Сабан to you» Татарстан сериалын Франциядә Халыкара анимацион кино базарында тәкъдим итәчәкләр

«Сабан to you» Татарстан сериалын Франциядә Халыкара анимацион кино базарында тәкъдим итәчәкләр

<p> <img width="870" src="https://www.kzn.ru/upload/iblock/fe9/GQ2Q8438.jpg" height="653"><br> </p> <p> (Казан шәһәре KZN.RU, 13-нче июнь). «Сабан to you» Татарстан анимацион сериалын Франциядә иң эре MIFA халыкара кино базарында тәкъдим итәчәкләр. Ул 11-14-нче июнь көннәрендә Анси шәһәрендә 43-нче тапкыр узачак һәм дөньяның 75 иленнән 3800-дән артык катнашучыны үзенә җыячак. </p> <p> «Сабан to you» чыгарылышлары өстендә 36 аниматор һәм иллюстратор эшләде. Сериал милли традицияләр турында сөйли һәм Сабантуй бәйрәме рухын җиткерә. Анда спорт ярышлары, уеннар, милли кием-салым, ашлар күрсәтелә, татар һәм рус телләрендә бик күп көй һәм җырлар яңгырый. </p> <p> «Татармультфильм» берләшмәсенең «Сабан to you» яңа анимацион проектын Татарстан телеканаллары күрсәтә инде, ә федераль каналлар тамашачылары июнь азагында сериалны карый алачак. </p> <p> «Татармультфильм» MIFA анимацион кино базарында 2011 елдан бирле катнаша, дип хәбәр итә берләшмәнең матбугат хезмәте. Бу вакыт эчендә берләшмә кинодистрибьюторларга, киновидеопрокат оешмаларына һәм продюсерлык үзәкләренә күп эшләр тәкъдим итте: «Шурале», «Кырмысказки», «Стрела наследия» һәм башка мультипликацион фильмнар, аларны бөтен дөньядан тамашачылар яратып та өлгерде. </p> <p> Мультипликаторларның Россия делегациясенә «Татармультфильм» белән беррәттән илнең иң эре анимацион студияләре керәчәк. </p>

2019-06-13T11:00:53+0300