Татарстан эшкә урнашу перспективасы буенча РФ төбәкләре рейтингын җитәкләгән

Республикада яшәүчеләрнең 80% ы эш өчен генә аннан китәргә әзер түгел

Фото: Марат Мөгыйнов

Татарстан Республикасы агымдагы елның II кварталында эшкә урнашу перспективасы буенча РФ субъектлары рейтингында беренче урынга чыккан. Тикшеренү HeadHunter платформасы аналитиклары тарафыннан үткәрелгән.

Татарстан 76,59 балл җыйган. Республикада бер вакансиягә уртача 3,4 резюме туры килә. Тәкъдим ителә торган хезмәт хакының медианасы 60,9 мең сумны тәшкил итә. Эш эзләүче татарстанлыларның 80% ы эшкә урнашу өчен генә республикадан күчеп китәргә әзер түгел.

Өчлеккә шулай ук Амур өлкәсе (76,45) һәм Яһүди автономияле өлкәсе (75,1) кергән. Санкт-Петербург рейтингның 9 нчы баскычында урнашкан, ә Мәскәү – 61 нче урында.

Шулай ук укыгыз

Барлык яңалыклар