Татарстан «Безнең Җиңү көне» халык җыр марафонына кушылды

Акциядә катнашучы-төбәкләр вәкилләре «Җиңү көне» җырын туган телләрендә башкарачаклар һәм эстафетаны бер-берсенә тапшырачаклар.

(Казан шәһәре KZN.RU, 27-нче апрель). Татарстан Идел буе федераль округының «Безнең Җиңү көне» җыр марафонына кушылды. Ул Бөек Ватан сугышында Җиңүнең 75 еллыгына багышланган.

Җырлы марафон төрле төбәкләрдән башкаручыларны бер зур халык коллективына берләштерер, дип көтелә - акциядә катнашучылар «Җиңү көне» дигән атаклы җырны туган телләрендә башкарачаклар һәм эстафетаны бер-берсенә тапшырачаклар. Һәр төбәктән куелган видеоязмаларны соңыннан бердәм роликка урнаштырачаклар, ул клипны интернетта карарга мөмкин булачак.

Видеороликлар катнашучы территорияләрнең төбәк каналларында күрсәтеләчәк, шулай ук аларны социаль челтәрләрдә #песнипобеды #нашденьпобеды хештеглары буенча, шулай ук Youtube аша карарга мөмкин булачак. Радиостанцияләрдә тыңлаучылар өчен җырның радиоверсиясен ишетү мөмкинлеге булачак.

Искәртеп узабыз, масштаблы патриотик акция РФ Президентының Идел буе федераль округындагы вәкаләтле вәкиле аппараты инициативасы буенча уздырыла. Халык җыр марафонына Мордовия Республикасында старт бирелде, дип хәбәр итә «Татмедиа» республика агентлыгы.

Шулай ук укыгыз

Барлык яңалыклар