Татарстан Курск өлкәсе халкына гуманитар ярдәм җибәрәчәк

Барлык теләүчеләр дә зыян күрүчеләргә киемнәр, гигиена чаралары, яраклылык вакыты озак булган азык-төлек тапшыра ала

Казанда Курск өлкәсендә яшәүчеләргә гуманитар ярдәм җыю башланды. Ике пунктта балалар һәм өлкәннәргә яңа киемнәр, урын-җир һәм сөлгеләр, гигиена чаралары, су һәм яраклылык вакыты озак булган азык-төлек һәм шулай ук медикаментлар кабул итәләр.

Гуманитар ярдәм җыю пунктлары Патрис Лумумба урамы буйлап 4 нче йортта (112 нче офис) һәм Вишневский урамы буйлап 10 нчы бинада (керү Лесгафт урамы ягыннан) ачык. Волонтерлар 10:00 сәгатьтән 18:00 сәгатькә кадәр кизү тора. Өстәмә мәгълүматны кайнар линия телефоны +7(843)273-16-72 буенча белергә мөмкин, дип хәбәр иттеләр «Ярдәм янәшә! Помощь рядом!» хәрәкәте вәкилләре.

Гуманитар ярдәмне җыю һәм җибәрү белән республика хөкүмәте җитәкчелек итә. Шулай ук барлык теләүчеләр дә «АК БАРС СОЗИДАНИЕ» хәйрия фондының махсус счетына акча күчерә ала.

Шулай ук укыгыз

Барлык яңалыклар