Татар чәкчәге Россия буйлап сәяхәт итүчеләрнең яраткан тәм-томына әверелгән

Лидерлар өчлегендә шулай ук Тула прәннеге һәм Мәскәү конфеты да бар

Фото: Марат Мөгыйнов

Россия шәһәрләре буйлап сәяхәт итүче туристларның яраткан тәм-томы татар чәкчәге булып чыккан. Сораштыруда катнашкан өч мең кешенең 15% ы әлеге десерт өчен тавыш биргән. Сораштыру tutu.ru сервисы тарафыннан үткәрелгән.

Сәяхәтчеләрнең яраткан тәм-томнары исемлегендә икенче урында – Тула прәннеге (8,87%). Лидерлар өчлеген Мәскәү конфеты (6,9%) яба.

Сораштыруда катнашучылар шулай ук Калининград марципанын (6,87%), чурчхела һәм рахат-лукумны (6,6%), ылыслы агачлар күркәләреннән кайнатманы (6,57%), Коломна кагын (6,17%), Петербург конфетларын (6,13%), кедр чикләвегеннән тәм-томнарны (4,63%) һәм шоколадка манылган җиләк-җимешләрне (4,6%) билгеләп үткәннәр.

Шулай ук укыгыз

Барлык яңалыклар