Сөмбел Билалова ТР Дәүләт Советы депутатларын сайлауда катнашу турында: «Тавыш бирү хокукы — өстенлек түгел, ә безнең җаваплылык»

Татар эстрадасы җырчысы Совет районындагы сайлау участогында булды

Татар эстрадасы җырчысы Сөмбел Билалова ТР Дәүләт Советына депутатлар сайлауда тавыш бирде. Ул Казанның Совет районындагы 169 нчы мәктәпнең 373 нче сайлау участогында булды.

«Мин тавыш бирү хокукы өстенлек кенә түгел, ә гражданнар буларак безнең җаваплылык, дип саныйм. Сайлауларда катнашу — үз фикереңне белдерү һәм илнең киләчәгенә йогынты ясау мөмкинлеге ул. Минем өчен тавыш бирү иҗат белән тыгыз бәйләнгән, мин бит халкыбыз рухын һәм аның омтылышларын чагылдырган җырлар иҗат итәргә омтылам», – дип шәрехләде артистка. Ул депутатларның халык тавышын тыңлаячагына һәм төбәктә тормышны яхшырту өстендә актив эшләячәгенә өмет белдерде. Шул ук вакытта, җырчы сүзләренчә, Халык сайлаган депутатлар мәдәният һәм мәгариф турында онытмаска тиеш, чөнки нәкъ менә шушы өлкәләр безнең киләчәгебезне формалаштыра.

«Мин яшьләргә үз фикерләрен белдерүдән курыкмаска һәм сайлауларда катнашырга киңәш итәр идем. Бер тавыш бернәрсә дә хәл итми кебек тоелса да, чынлыкта безнең һәрберебез зур үзгәрешләрнең бер өлеше булырга мөмкин. Сезнең тавышыгыз мөһим, безнең киләчәгебезнең нинди булачагы нәкъ менә сездән тора. Сайлауларга килегез, беләзекләр алыгыз. Бүген «Казан» Гаилә үзәге янында бәйрәм концертында очрашырбыз», – диде Сөмбел Билалова.

Исегезгә төшерәбез, 20:00 сәгатькә кадәр Казанда 463 сайлау участогы эшли, билгеләнгән участокныРоссия Үзәк сайлау комиссиясе, ТР Үзәк сайлау комиссиясе сайтларында һәм KZN.RU порталында сылтама буенча табарга мөмкин. Кайбер мәйданчыкларда ярминкәләр, балалар өчен активлык һәм сәламәтлек пунктлары оештырылды.

Тавыш бирүчеләргә «Гаилә белән сайлыйбыз» дип язылган беләзекләр бирәчәкләр. Алар буенча җәмәгать транспортында бушлай йөрү һәм «Казан» Гаилә үзәге янындагы концертка түләүсез керү каралган. Аерым автобус маршрутлары һәм метрополитен бүген көчәйтелгән режимда эшләячәк.

Моннан тыш, тавыш биргән татарстанлылар 12 смартфон һәм бер Lada Vesta автомобилен ота ала. Фотоконкурста катнашу шартлары сылтама буенча урнаштырылган.

Моннан алдан сайлауларда мэр Илсур Метшин, Салават Күпере торак районыннан күп балалы Китаевлар гаиләсе, шулай ук хәзер ялда булган махсус хәрби операция сугышчысы катнашты.

Шулай ук укыгыз

Барлык яңалыклар