Казанның 6 меңнән артык укучысы БДИга юллама алу өчен йомгаклау иншасы язды

Казанның 6 меңнән артык укучысы БДИга юллама алу өчен йомгаклау иншасы язды

<p> Бүген Казанның 6 меңнән артык укучысы бердәм дәүләт имтиханына юллама алу өчен йомгаклау иншасы язды. Нәтиҗәләрне укучыларга 18 декабрьдән дә соңга калмыйча игълан итәчәкләр. </p> <p> Унберенче сыйныф укучыларына биремне үтәүгә 3 сәгать 55 минут вакыт бирелде. Бу вакыт дәвамында булачак чыгарылыш укучыларына үз әсәрләре темасын ачарга кирәк иде. </p> <p> Сәламәтлек мөмкинлекләре чикле булган укучыларга аларның сәламәтлеген исәпкә алган шартлар тудырдылар, шулай ук инша язуга бирелгән вакытны сәгать ярымга арттырдылар. </p> <p> БДИга юллама алу өчен чыгарылыш сыйныф укучылары биремне уңышлы үтәргә тиеш. «незачет» яки аңлашылмаучанлык очрагында укучылар 1 февральда һәм 2 апрельда яңадан эшен язарга мөмкин. </p> <p> Имтихан вакытында тәртип артыннан барлык мәктәпләрдә аккредитация узган иҗтимагый күзәтүчеләр – ата-аналар һәм укытучылар күзәтте, дип хәбәр итә Казан мәгариф идарәсе. </p>

2024-12-04T16:53:24+0300