Җиде ай эчендә «Казан-1» вокзалы электричкаларында 1,1 миллионнан артык кеше пассажир булган

Узган ел белән чагыштырганда үсеш 11% тәшкил итте

Агымдагы елның беренче җиде аенда 4,5 миллионнан артык пассажир Татарстан чикләрендә Горький тимер юлында йөрүче электричкалардан файдаланган. Узган елның шул ук чоры белән чагыштырганда үсеш 3% тәшкил итте.

Ешрак кешеләр «Казан-1» вокзалы станцияләреннән киткән. Кеше саны: 1,1 мииллионнан артык пассажир — узган ел белән чагыштырганда 11% ка күбрәк, дип хәбәр итә Горький тимер юлының Казан төбәге матбугат хезмәте — «РЖД» ААҖ филиалы.

390 мең кеше «Әмәт» метро станциясендә шәһәр яны поездларыннан файдаланган, 282 мең кеше Дәрвишләр станциясеннән киткән. Тагын 145 мең кеше Аэропорт станциясе электричкалары пассажирлары булган.

Барлык маршрутлар буенча тулырак мәгълүматны пассажирлар ширкәте сайтында, тимер юл вокзалларындагы белешмә хезмәтендә, шәһәр яны билет кассаларында һәм +7(800)775-00-00 телефон номеры аша белергә була.

Шулай ук укыгыз

Барлык яңалыклар