Своп, мастер-класслар һәм икенчел чимал җыю: «Ак Чәчәкләр» бульвары янында «Экодвор» бәйрәме узачак

Мәйданчыкта «Эшкәртелү могҗизалары» күргәзмәсе ачылачак

4 августта «Ак чәчәкләр» бульвары янында «Экодвор» экологик бәйрәме узачак. Казанлылар икенчел чималны эшкәртүгә тапшыра, кием-салым һәм башка әйберләр белән алмаша, терлекләр өчен приютларга ярдәм итә алачак.

Икенчел чималны җыю Әпсәләмов урамындагы 37 нче йорт янындагы парковкада барачак. Чиста пыяла, пластик шешәләр, макулатура, алюминий һәм калай банкалар, тетрапак, эшләми торган техника, чүпрәк-чапрак, батарея һәм башка әйберләр алына. Тулы исемлек белән сылтама буенча танышырга була.

Шәһәрлеләр приютларга ярдәмгә мәчеләр өчен коры һәм дымлы азык, мәче бәдрәфе өчен агач тутыргыч, металл чиләкләр, җамаяклар, чүп-чар өчен 240 литр сыешлы капчыклар, йон юрганнар, эт өчен азык, муенчаклар, муенчаклы баулар һәм 60х90 см сеңдерә торган чүпрәкләр китерә алалар.

Кием-салым, көнкүреш әйберләре, үсемлекләр, китаплар һәм бизәнү әйберләре белән алмашу своп зонасында узачак. Монда үз әйберләреңне бушлай калдырырга яки аларны башка ошаган әйберләргә алыштырырга мөмкин.

Икенчел чималның төрле төрләрен эшкәртүнең тулы циклын килүчеләргә «Эшкәртү могҗизалары» күргәзмәсендә күрсәтәчәкләр. Программада шулай ук төрле экологик биремнәр белән балалар һәм өлкәннәр өчен квест, ПЭТ-шешәләрдән ракета, икенчел чималдан хайваннар өчен уенчыклар һәм баннерлардан кечкенә флаглар ясау буенча мастер-класслар көтелә.

«Экодвор» бәйрәме 11:00 дән 14:00 гә кадәр Ямашев проспекты ягыннан «Ак чәчәкләр» бульвары янында узачак», – дип хәбәр итә оештыручылар.

Шулай ук укыгыз

Барлык яңалыклар