Казанның Совет районындагы 185 нче лицей укытучысы «Россия лидерлары» округ финалының суперфиналисты булды

Идел буе территориясеннән 24 меңнән артык гариза бирелгән

Фото: лидерыроссии.рф

(Казан шәһәре KZN.RU, 1 нче ноябрь). Түбән Новгородта «Россия лидерлары» конкурсының бишенче сезонының округ финалына нәтиҗә ясадылар. Казанның Совет районындагы 185 нче лицееның рус теле һәм әдәбияты укытучысы Ксения Чеботарева суперфиналга чыкты.

«Конкурс җитди сынау булып чыкты, әмма шул ук вакытта күп нәрсә бүләк итте: тәҗрибәле һәм уңышлы җитәкчеләр белән танышу, белем һәм үзен төрле рольләрдә сынап карау мөмкинлеге. Без үз көчебез һәм үсеш өлкәләре турында күбрәк белә алдык. Биремнәрне үтәргә миңа лицейда эшләү тәҗрибәсе ярдәм итте. Алда иң авыры – суперфинал! Мин Татарстанны мондый җаваплы ярышта тәкъдим итүемә шатмын», – дип билгеләп үтте Казан педагогы.

Өч көн дәвамында катнашучылар өчен экспертлар белән консультацияләр, проект партнерлары белән әңгәмәләр һәм конкурс сынаулары үткәрелә. Шулай ук идарәчеләр мәктәп укучылары өчен мастер-класслар үткәрәләр.

Ксения Чеботарева 46 суперфиналистның берсе булды. Идел буеннан 24 меңнән артык гариза бирелгән, 399 кеше сынауларның киләсе этабына кертелгән, дип хәбәр иттеләр Казан Башкарма комитетының Мәгариф идарәсендә.

Шулай ук укыгыз

Барлык яңалыклар