КФУ студенты Планетаның вице-мисы булган

КФУ студенты Планетаның вице-мисы булган

<p> </p> <div class="detail-picture"> <img src="https://kzn.ru/upload/iblock/1c9/1c9796b61ccca2a14b11c2d9da258577.jpg"> <p class="detail-picture__caption"> Фото: Казан шәһәре KZN.RU </p> </div> (Казан шәһәре KZN.RU, 20 нче ноябрь). Казан федераль университетының Филология һәм мәдәниятара коммуникацияләр институты студенты Алина Гәрәева Камбоджада Miss Planet International халыкара матурлык конкурсында вице-мисс титулын яулаган. Җиңү өчен 40 тан артык илдән кызлар көрәште, дип хәбәр итә КФУның матбугат хезмәте.<br> <p> </p> <p> Сөембикә ханбикә образы белән илһамланып, россияле жюри әгъзалары алдында татар милли костюмында чыккан. Ә кичке киемнәр күрсәтүдә Алина Гәрәева ачык зәңгәрсу төстәге күлмәк киеп подиумга менгән. </p> <p> «Эчтән мин җиңүгә ышана идем һәм таҗ киюне күз алдыма китердем. Моңа озак килдем, халыкара конкурсларда катнашу тәҗрибәм зур. Таҗны үз илемә алып кайтуыма шатмын. Миңа танышларым, туганнарым ярдәм итте, төрле илләрдән хатлар алдым. Мондый игътибарны моңа кадәр беркайчан да тойганым юк иде. Россия Федерациясенең Камбоджа Корольлегендәге илчелегеннән ярдәм алу бик күңелле булды», – дип уртаклашты студент кыз. </p> <p> Аның сүзләренчә, белем алуга һәм бер үк вакытта чараларда катнашуга читтән торып уку формасы ярдәм итә. </p> <p> ТР башкаласында яшәүче кыз шулай ук «Татарстан гүзәле», Miss Planet Russia, «Вице-мисс Россия», «Мисс Азия – Россия», «Мисс фотогеничность – 2021» кебек титулларга ия. Ул Индонезиядә Балида Miss Global–2022 халыкара матурлык бәйгесенең топ–25 исемлегенә кергән, дип хәбәр итә КФУ матбугат хезмәте. </p>

2023-11-20T16:02:55+0300