Павлюхин урамында төзелә торган Гаилә белән ял итү үзәгенә KazanMall исеме биреләчәк

Үзәкнең ачылышы 2020 елның августына планлаштырылган.

(Казан шәһәре KZN.RU, 9-нчы декабрь). Павлюхин урамында төзелә торган Гаилә белән ял итү үзәгенә KazanMall исеме биреләчәк. Объект исемендә «Казан» сүзен куллануга рәсми рөхсәтне Башкарма комитетның шәһәр гербын һәм әләмен урнаштыру мәсьәләләрен килештерү буенча комиссиясе биргән.

Гаилә белән ял итү үзәге исемендә «Казан» сүзен куллануга рөхсәтнең чикләнмәгән вакыты бар. Юридик затның исемен бетергән, үзгәрткән яки алмаштырган очракта, рөхсәт гамәлдән чыгарылган дип саналачак.

Павлюхин урамында гаилә ялы үзәге 2018 елда төзелә башлады. Ачылу 2020 елның августына планлаштырылган.

Исегезгә төшерәбез, Казанның үз рәсми символлары бар, шул исәптән герб һәм әләме. Рәсми символларның сурәтләре һәм тасвирламасы, аларны куллану тәртибе Казан шәһәр Думасы тарафыннан расланган махсус нигезләмә белән билгеләнә.

Шәһәр гербын һәм әләмен урнаштыру мәсьәләләрен килештерү буенча Комиссия гаризаларны карый һәм рәсми символларны (гербны һәм әләмне) һәм сүз символларын («Казан» һәм «Зилант» сүзләрен, аның нигезендә сүзтезмәләрне, фамилияләреннән һәм үз исемнәреннән кала) куллану хокукыннан баш тарту турында рөхсәт яки бәяләмә бирә. Комиссия составына Башкарма комитет аппараты җитәкчеләре һәм белгечләре керә, алар иҗтимагый башлангычларда үз эшләрен алып баралар. Комиссия үз эшчәнлегендә РФ Конституциясенә, ТР Конституциясенә, федераль һәм республика законнарына, Казан Уставына һәм башка документларга таяна. Комиссияне Казан Башкарма комитеты җитәкчесе җитәкли.

Шулай ук укыгыз

Барлык яңалыклар