Казанда туристлар агымы алты ай нәтиҗәләре буенча 22% ка диярлек арткан

Казанда туристлар агымы алты ай нәтиҗәләре буенча 22% ка диярлек арткан

Алты ай эчендә Казанга 2 млн 157,5 мең кеше килгән, бу узган елның шул ук чоры белән чагыштырганда якынча 22% ка күбрәк. Шәһәргә ешрак Мәскәү һәм Мәскәү өлкәсе, Санкт-Петербург, Түбән Новгород, Самара һ.б. шәһәр кешеләре килә. Кунаклар Казанда уртача 3—4 көн ял итә, дип хәбәр иттеләр шәһәр Башкарма комитетының Туристлыкны үстерү комитетында.<br> <br> Татарстан башкаласы уңайлы һәм мавыктыргыч ял итү өчен күп мөмкинлекләр тәкъдим итә, шул исәптән мобиль кушымталар.. Алар туристлар өчен дә, җирле халык өчен дә алыштыргысыз ярдәмчеләргә әвереләләр. Алар төрле ял итүне оештырырга, шәһәр буйлап сәфәр кылуны җиңеләйтергә, аның тарихи-мәдәни мирасын өйрәнергә һәм башка бик күп нәрсәләрне белергә мөмкинлек бирә. Тулырак мәгълүматны KZN.RU порталы сайланмасында табарга мөмкин.<br> <h3>Транспорт хәрәкәтен күзәтергә һәм машинаны кую урыны өчен түләргә</h3> Җәмәгать транспортында йөрүне тиз һәм уңайлы планлаштырырга <a target="_blank" href="https://apps.apple.com/ru/app/%D0%BA%D0%B0%D0%B7%D0%B0%D0%BD%D1%8C-%D1%82%D1%80%D0%B0%D0%BD%D1%81%D0%BF%D0%BE%D1%80%D1%82/id1571295206">«Казань транспорт»</a> мобиль кушымтасы ярдәм итәчәк. Аның ярдәмендә автобус, троллейбус һәм трамвай маршрутлары турында белергә, шулай ук аларның тукталышка килү вакытын күзәтергә мөмкин. Кушымта Google Play һәм App Store да бар.<br> <br> Автомобильчеләр өчен <a target="_blank" href="https://apps.apple.com/ru/app/%D0%BA%D0%B0%D0%B7%D0%B0%D0%BD%D1%81%D0%BA%D0%B8%D0%B9-%D0%BF%D0%B0%D1%80%D0%BA%D0%B8%D0%BD%D0%B3/id951144593">«Казанский паркинг»</a> кушымтасы эшләнелде. Ул машиналар кую урыннарының урнашуын күрсәтә. Кушымта төрле буш парковка киңлекләрен табарга, машина кую вакытын күзәтергә, парковка вакытын озайтырга яки тәмамларга ярдәм итә. Шулай ук аның ярдәмендә кулланучылар парковка өчен түли алалар. Кушымта Android, iOS һәм Windows Phone операцион системалары булган җайланмалар өчен мөмкин, йөкләү буенча күрсәтмәләрне <a target="_blank" href="https://parkingkzn.ru/ru/pages/payment/kazpark_mobileapp">сылтама</a> аша табарга була.<br> <h3>Экскурсияләрне планлаштырырга һәм маршрут төзергә</h3> Татарстан башкаласының тарихи урыннары һәм истәлекле урыннары буенча мавыктыргыч тур өчен <a target="_blank" href="https://apps.apple.com/ru/app/%D0%BA%D0%B0%D0%B7%D0%B0%D0%BD%D1%8C-%D0%B0%D1%83%D0%B4%D0%B8%D0%BE-%D0%BF%D1%83%D1%82%D0%B5%D0%B2%D0%BE%D0%B4%D0%B8%D1%82%D0%B5%D0%BB%D1%8C/id1562311027">«Казань аудиопутеводитель»</a> кушымтасы файдалы булачак. Мобиль экскурсия йөртүче ярдәмендә туристлар һәм халык үз җае белән уңайлы экскурсияләр планлаштырып, шәһәрне мөстәкыйль рәвештә өйрәнә ала. <br> <br> Кушымтада Казан Кремлен, Апанай мәчетен дә кертеп, аерым урыннарны сайлау яки тасвирлама белән тулы җәяүлеләр маршрутларын салу мөмкинлеге бар. Кушымта Android һәм iOS операцион системалары кулланучылары өчен мөмкин. Язылу түләүле.<br> <br> Нинди дә булса урынның тарихы белән танышырга яки матур маршрутлар буенча йөреп кайтырга теләгән сәяхәтчеләр өчен <a target="_blank" href="https://apps.apple.com/ru/app/%D0%BA%D0%B0%D1%80%D1%82%D0%B0-%D1%82%D1%83%D1%80%D0%B8%D1%81%D1%82%D0%B0-%D0%BA%D0%B0%D0%B7%D0%B0%D0%BD%D0%B8-%D0%B8-%D1%80%D1%82/id1457537748">«Карта туриста Казани и РТ»</a> кушымтасы эшләтеп җибәрелгән. Ул үзендә экскурсиячене, банк кушымтасы һәм башка файдалы мәгълүматны: истәлекле урыннар картасын, төрле юнәлештәге рестораннар һәм кафелар адресларын, кунакханәләрне һәм башка мөһим объектларны берләштерә. Урыннар җентекле тасвирлау, тарихи фактлар, фотографияләр һәм кызыклы мәгълүмат белән озатыла.<br>  <br> Кушымта Google Play һәм App Store да бар. Йөкләү Буенча күрсәтмәләр белән <a target="_blank" href="https://visit-tatarstan.com/guides/bonusy-skidki-i-pomoshch-kak-ekonomit-s-pomoshchyu-besplatnogo-prilozheniya-dlya-turistov-tourist-pa/">сылтама</a> буенча танышырга мөмкин.<br> <h3>Татар телен өйрәнү</h3> Казан — бай тел мирасы булган шәһәр. Туристларга да, җирле халыкка да татар телен үзләштерүдә <a target="_blank" href="https://apps.apple.com/ru/app/%D1%80%D1%83%D1%81%D1%81%D0%BA%D0%BE-%D1%82%D0%B0%D1%82%D0%B0%D1%80%D1%81%D0%BA%D0%B8%D0%B9-%D1%80%D0%B0%D0%B7%D0%B3%D0%BE%D0%B2%D0%BE%D1%80%D0%BD%D0%B8%D0%BA/id1644720467">«Русско-татарский разговорник»</a> кушымтасы ярдәм итәчәк. Кушымтада барлык татар сүзләре рус хәрефләре белән язылган. Кулланучы сөйләм сүзтезмәләре белән генә чикләнергә яки аны телне өйрәнү коралы буларак кулланырга мөмкин. Кушымта Google play һәм App store да бар. <br> <h3>Портатив зарядлау җайланмасын арендага алырга</h3> Зарядкасы беткән җайланмалар өчен <a target="_blank" href="https://apps.apple.com/ru/app/%D0%B1%D0%B5%D1%80%D0%B8-%D0%B7%D0%B0%D1%80%D1%8F%D0%B4-%D0%B0%D0%BA%D0%BA%D1%83%D0%BC%D1%83%D0%BB%D1%8F%D1%82%D0%BE%D1%80-%D1%80%D1%8F%D0%B4%D0%BE%D0%BC/id1458730835">«Бери заряд: аккумулятор рядом»</a> кушымтасы ярдәм итәчәк – бу Россиядә пауэрбанкларны арендалауның иң эре сервисы.<br> Кушымта һәрвакыт хәрәкәттә булган һәм күп санлы гаджетлар: телефон, планшет, колакчыннар кулланган кешеләр өчен файдалы. «Бери заряд!» зарядка станцияләренең шәһәрнең төрле урыннарында урнашуын, пауэрбанклар белән һәр кеше файдалана алуын һәм станцияләрнең эшләү вакытын күрсәтә. Пауэрбанкны кушымта картасында билгеләнгән теләсә кайсы пункта тапшырырга мөмкин, ә аренда бәясе сәгатьләр һәм тәүлекләр буенча исәпләнә.<br> <br> Тарифлар урынга бәйле рәвештә үзгәреп тора — актуаль мәгълүматны белү өчен кушымтада зарядка станциясен сайлау да җитә. Сервисны Google play, App store һәм RuStore да урнаштырырга мөмкин.<br>

2024-08-08T09:50:00+0300