Татарстан башкаласын һәм аэропортны өстәмә электричкалар тоташтырачак

Алар 1, 7 һәм 28 февральдә йөриячәк

Казаннан аэропортка өстәмә шәһәр яны поездларын 1, 7 һәм 28 февральдә җибәрәчәкләр. Бу «Казан Экспо» ХКҮдә концертлар уздыру белән бәйле.

Мәсәлән, 7602 номерлы электричка Казан станциясеннән 18:04 сәгатьтә китәчәк. Аэропортка килү 18:24 тә көтелә. Кире юнәлештә 7603 номерлы состав пассажирларны 22:20 сәгатьтә алып барачак. Татарстан башкаласына ул 22:40 та киләчәк.

Поездлар арадаш тукталышларсыз йөриячәк, дип хәбәр иттеләр «Содружество» АҖ матбугат хезмәтендә.

Барлык маршрутлар буенча тулырак мәгълүматны +7(937)625-04-33 телефоны буенча (шалтыратулар тәүлек буе кабул ителә), шәһәр яны пассажир ширкәте сайтында яисә «РЖД пассажирам» мобиль кушымтасында белергә була.

Шулай ук укыгыз

Барлык яңалыклар