Татарстан башкаласы «Белем. Каһарманнар» бөтенроссия акциясенә кушылачак

Тарихи паркта интерактив күргәзмә һәм Бөек Ватан сугышы ветераннары белән очрашу оештырыла

Иртәгә, 27 февральдә, «Россия – минем тарих» тарихи паркында «Белем. Каһарманнар» бөтенроссия акциясе узачак. Мәктәп укучылары һәм студентлар интерактив күргәзмәдә була һәм махсус операция ветераннары белән аралаша алачак.

12:15 тән килүчеләр өчен «ВОИН» үзәгеннән интерактив күргәзмә ачылачак. Анда пилотсыз очу аппаратлары һәм корал макетлары тәкъдим ителәчәк. Инструкторлар тактик медицина һәм хәрби эшнең нигезләре турында сөйлиячәкләр, шулай ук ату коралларын җыю буенча мастер-класслар үткәрәчәкләр, заманча хәрби техника үзенчәлекләре турында сөйлиячәкләр.

Махсус операция ветераны «Фидакарь һәм батырлык өчен» медале белән бүләкләнгән Эдуард Елизаров белән лекция-диалог 13:00 сәгатьтә узачак. Ул балаларга үзенең хезмәте, разведка-штурм операцияләре һәм шәхси батырлыгы турында сөйләр.

«Батырлык» ордены кавалеры Әнвәр Мөхәммәтҗанов белән лекция-диалог 14:00 сәгатьтә башлана. Махсус операция ветераны сапер эше тәҗрибәсе белән уртаклашачак, азат ителгән территорияләрне миналардан арындыру турында сөйләячәк.

Чара «Ватанны яклау – һөнәр ул» дигән тематик экскурсия белән тәмамланачак, анда СССР чорында Кызыл армия язмышы турында сөйлиячәкләр.

Чараларда катнашу өчен сылтама буенча теркәлү узарга кирәк. Теләгән кешеләрнең барысын да Оренбург тракты, 8 (2 нче павильон) адресы буенча көтәчәкләр. Акция «Россия – минем тарих» тарихи паркы тарафыннан «Белем» төбәк бүлеге белән берлектә оештырылган.

Шулай ук укыгыз

Барлык яңалыклар