Татарстан башкаласы егетләр һәм кызлар арасында самбо буенча Россия беренчелеген кабул итәчәк

«Олимпиец» спорт комплексында җиңү өчен илнең 76 төбәгеннән 700 дән артык спортчы көрәшәчәк.

Фото: Бөтенроссия самбо федерациясе

(Казан шәһәре KZN.RU, 22 нче февраль). 23-26 нчы февральдә Казанда 14-16 яшьлек егетләр һәм кызлар арасында самбо буенча Россия беренчелеге узачак. «Олимпиец» спорт комплексында җиңү өчен илнең 76 төбәгеннән 700 дән артык спортчы көрәшәчәк.

Татарстан җыелма командасын ярышларда Казан, Түбән Кама, Әлмәт, Чистай, Норлат, Болгар һәм Урыссу спорт мәктәпләреннән 12 егет һәм 7 кыз тәкъдим итәчәк, дип хәбәр итә ТР Спорт министрлыгы матбугат хезмәте.

Самбо буенча Россия беренчелеге «Za Самбо» федераль проектының бер өлеше булып тора. Ярышларда катнашучылар 18-24 нче апрельдә Израильдә узачак Европа беренчелегендә катнашу хокукына ия булачак.

Ярышларны РФ Спорт министрлыгы, Бөтенроссия самбо федерациясе, ТР Спорт министрлыгы, ТР Самбо федерациясе һәм башкалар оештыра.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар