Анда 16 яшьтән 30 яшькә кадәрге яшьләрне чакыралар.
(Казан шәһәре KZN.RU, 6-нчы декабрь). Казанлылар «Кадрлар резервы» республика проектында катнаша ала. Анда 16 яшьтән 30 яшькә кадәрге яшьләрне чакыралар.
Катнашучыларны сайлап алу дәгъва кылучыларда мотивацияне, тәҗрибә, шәхси казанышларны, эшлекле сыйфатларны билгеләргә мөмкинлек бирә торган тест һәм сынау сөйләшүләрен үз эченә ала. «Кадрлар резервы»нда катнашучыларның белем алу әзерлеге турыдан-туры һәм дистанцион этаплардан тора, дип хәбәр итә ТР Яшьләр эшләре һәм спорт министрлыгы матбугат хезмәте.
Проектта катнашу өчен 20-нче декабрьгә кадәр порталга гариза җибәрергә кирәк.
Исегезгә төшерәбез, «Кадрлар резервы» проекты Татарстанда 2009 елдан бирле тормышка ашырыла. Ун ел эчендә анда 12500-дән артык кеше катнашкан. 2100-гә якын кеше белем алган, шуларның 200-дән артыгы Татарстан Республикасы дәүләт һәм муниципаль хакимият органнарына эшкә чакырылган, 260-тан артык катнашучы һәм проект финалистлары сәнәгать һәм коммерция секторлары предприятиеләренә эшкә урнаштырылган. 60-тан артык проект тормышка ашырылган, 2320-дән артык социаль акция һәм 340-тан артык интерактив-белем бирү чарасы үткәрелгән.