Казан марафоны-2021-гә теркәлү башланды

Теләүчеләр шулай ук «Төнге Казан» йөгерешендә һәм башка спорт чараларында катнашуга теркәлә алачак.

Фото: Казан шәһәре KZN.RU

(Казан шәһәре KZN.RU, 15-нче декабрь). 2021 елда Казан марафоны 1-нче һәм 2-нче майда узачак. Бүгенге көннән теләүчеләр марафонга, шулай ук киләсе елда узачак башка спорт чараларына теркәлә ала.

Казан марафоны - республикада иң зур йөгерү чарасы. Майның беренче ялларында ял көннәрен яхшы үткәрү өчен Казанга барлык йөгерүгә битараф булмаган кешеләрне чакыралар. Оештыручылар күп санлы кызыклы өстәмәләр белән чын спорт тамашасы уздырырга вәгъдә итә, алар турында шәһәр халкына соңрак сөйләячәкләр.

Шулай ук язын - 30-нчы майда - «Забег.рф» бөтенроссия марафоннары узачак. Оештыручылар катнашучылар саны буенча яңадан рекорд куярга һәм Россиянең йөгерү башкаласы титулын алырга планлаштыруларын билгеләп үтәләр.

2021 елның җәендә Казанда һәм Татарстанның башка шәһәрләрендә - Әлмәттә һәм Чаллыда традицион йөгерүләр, велоузышлар һәм триатлон ярышлары узачак. Календарьда «Төнге Казан» ярышлары да бар, анда 17-нче июльдә катнашырга мөмкин булачак. Сериянең үзенчәлеге булып Sviyaga fest фестивале торачак. Өч көнлек фестиваль кысаларында трейллар, йөзү һәм спорт ориентлашулары узачак.

Көзен, 10-нчы октябрьдә, Казан илкүләм ярыммарафонын үткәрү планлаштырыла.

Сайтта катнашу өчен теркәлергә һәм ярышларның җәдвәле, үзенчәлекләре һәм форматы турында барлык актуаль мәгълүматны алырга мөмкин, дип хәбәр итә Timerman спорт чаралары сериясе матбугат хезмәте.

Шулай ук укыгыз

Барлык яңалыклар