Казан өчен цифрлы сервисларны эшләүче командалардан гаризалар кабул итү башланды

Казан өчен цифрлы сервисларны эшләүче командалардан гаризалар кабул итү башланды

<p> </p> <div class="detail-picture"> <img src="https://kzn.ru/upload/iblock/2d6/2d6bdfc1a061a50e40052e7acd09c590.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 19 нчы май). Kazan Digital Transformation хакатон командасы Татарстан башкаласы өчен цифрлы сервислар булдырырга әзер булган командалардан гаризалар кабул итә. Приз фонды 300 мең сум тәшкил итәчәк. </p> <p> Хакатонда катнашу өчен өч-биш кешелек команда тупларга кирәк. Аңа product-менеджерлар, frontend/backend разработчиклар, мобиль разработчиклар, аналитиклар, дизайнерлар, Data Science белгечләре һәм хакатон темасы белән кызыксынучылар керә ала. Гаризалар 24 нче майга кадәр <a target="_blank" href="http://kazandigitalweek.com/ru/site/events/35">сылтама</a> буенча кабул ителә. Чара 27 нче һәм 28 нче майда узачак.  </p> <p> Катнашучы командаларга зур вакыйгалар өчен шәһәр инфраструктурасын әзерләү сервисын, инженерлык коммуникацияләре салуны килештерү өчен цифрлы продукт, шәһәрнең белем бирү һәм ял ресурслары буенча навигатор-платформасын, сәламәтлек мөмкинлекләре чикләнгән кешеләр өчен сервис һәм йорт хайваннарының цифрлы паспортын эшләргә туры киләчәк.  </p> <p> Хакатон Казан Башкарма комитеты ярдәме белән Kazan Digital Week 2023 халыкара форумы кысаларында узачак – узган ел ул 65 илдән 18 мең кешене онлайн һәм офлайн берләштерде. Кибер куркынычсызлыктан алып авыл хуҗалыгы һәм мәдәнияткә кадәр тормышның барлык өлкәләрендә цифрлаштыруга багышланган барлыгы 120 чара оештырылган. </p>

2023-05-19T11:14:25+0300