«Архикадр II: Казан postindustrial» күргәзмәсенә ачык конкурслы сайлап алу башланды

Иң яхшы эшләрне «Диалоглар. Җәйге очрашулар» архитектура-шәһәр төзелеше конференциясендә тәкъдим итәчәкләр

«Архикадр II: Казан postindustrial» күргәзмәсенә ачык конкурслы сайлап алу башланды. Иң яхшы 20 эш «Диалоглар. Җәйге очрашулар» архитектура-шәһәр төзелеше конференциясендә тәкъдим ителәчәк.

Катнашуга фотографлар, архитекторлар һәм башка төрле дәрәҗәдәге иҗади һөнәр вәкилләре чакырыла. Аларга Казанның бер яки берничә индустриаль мирас объектының 5—10 шәхси фотосурәтен җибәрергә кирәк.

«Шул ук вакытта фотоның нинди техникада ясалуы һәм кайчан төшерелүе мөһим түгел. Элеккеге сәнәгать объектларының фотосурәтләре дә кабул ителә», — дип ачыклык керттеләр оештыручылар.

Катнашучыларның эшләре 16 августка кадәр сылтама буенча кабул ителә.

Исегезгә төшерәбез, элегрәк «Диалоглар. Җәйге очрашулар» архитектура-шәһәр төзелеше конференциясенә теркәлү башланган иде. Чарага тыңлаучы да, спикер да буларак килергә мөмкин. Сылтама буенча теркәлү мөһим.

Шулай ук укыгыз

Барлык яңалыклар