Триатлон буенча балалар лигасы республика ярышларының яңа сезоны старт алды

Триатлон буенча балалар лигасы республика ярышларының яңа сезоны старт алды

<p> Үзәк стадионда Триатлон буенча балалар лигасы республика ярышларының яңа сезоны ачылды. Яшь спортчылар кышкы дуатлонның 3 чакрымга кадәр озынлыктагы чаңгы һәм йөгерү трассаларын уздылар. </p> <p> Ярышларда катнашу өчен республиканың барлык районнарыннан 7 яшьтән 12 яшькә кадәрге 150 дән артык малай һәм кыз гариза биргән. Гомумән алганда, яшь спортчыларны триатлон, дуатлон һәм акватлон буенча ярышларның сигез этабы көтә. </p> <p> Киләсе этап – акватлон – 20 апрельгә Кукмарада планлаштырылган. Балалар лигасына нәтиҗә 7 декабрьдә Татарстан башкаласында ясалачак, дип хәбәр иттеләр оештыручылар. </p> <p> 2024 елда лиганың республика ярышларында 1300 дән артык яшь триатлончы <a target="_blank" href="https://kzn.ru/meriya/press-tsentr/novosti/v-kazani-zavershilis-respublikanskie-sorevnovaniya-detskoy-ligi-po-triatlonu/?lang=ta">катнашты</a>. Спорт вакыйгасының генераль партнеры «СМУ-88» компанияләр төркеме булды. Балалар лигасы 2020 елдан Татарстан хөкүмәте, Казан мэриясе һәм Россия җыелма командаларының спорт әзерлеге үзәге ярдәмендә ТР триатлон федерациясе тарафыннан үткәрелә. </p>

2025-01-27T17:33:00+0300